«مىنبەر» قورىنا – 15 جىل. الماتىدا مەديافەستيۆال ءوتتى

ىس-شارا «؛داتا جانە جاساندى ينتەللەكت: قازاق جۋرناليستەرى زاماناۋي ترەندتەرگە قانشالىقتى دايىن»؛ دەگەن پانەلدىك سەسسيامەن باستالىپ, ساراپشىلار قازاق جۋرناليستيكاسىنداعى ماسەلەلەردى, تەندەنسيالاردى تالقىلادى.

مۇنان سوڭ مەدياترەنەرلەردىڭ شەبەرلىك سىنىپتارى ءوتىپ, فەستيۆال قايتادان پانەلدىك سەسسيادا جالعاستى.

ىس-شارانىڭ سوڭىنا تامان داتا ستوريلەردىڭ اۆتورلارى ماراپاتتالدى. بيىل جازدا قور اقتوبە, قوستاناي جانە پاۆلوداردا داتا جۋرناليستيكا شەبەرحاناسىن وتكىزگەن. وعان وڭىردەگى جۋرناليستەر قاتىسىپ, ءتۇرلى تاقىرىپتاردا داتا ستوري جازعان. سولاردىڭ اراسىندا ىرىكتەلىپ, 11 ادام ماراپاتتالدى. ىنتالاندىرۋ سىيلىعىن ءمولدىر گاپيز, رۋسلان الكەەۆ جانە نۇرگۇل قوناقباەۆا (100 مىڭ تگ) الدى. ءبىرىنشى, ەكىنشى جانە ءۇشىنشى ورىندار اقتوبەلىك جۋرناليستەر ارايلىم بۋكەنباەۆاعا (1 ورىن &ndash؛ 300 مىڭ تگ), رايبەك ساعاداتوۆقا (2 ورىن &ndash؛ 200 مىڭ تگ), مەرۋەرت قاليەۆاعا (3 ورىن 150 مىڭ تگ) بۇيىردى. باس جۇلدەنى (500 مىڭ تگ) ونكولوگيالىق اۋرۋلار تۋرالى داتا ستوري جازىپ شىققان قوستانايلىق جۋرناليستەر زاڭعار ساناي, بالاۋسا ءجۇنىس, قايرات ەلەۋسىزوۆ يەلەندى. «؛ەڭ كرەاتيۆتى داتا ستوري»؛ نوميناسياسى (500 مىڭ تگ) بويىنشا ورالدىق ارىپتەستەر ازامات حامزا, دينارا ناسىر ماراپاتتالدى.

«؛مىنبەر»؛ قورى

«؛مىنبەر»؛ 2019 جىلى باستاپقىدا قور رەتىندە قۇرىلعان. نەگىزىن ەسەنگۇل كاپقىزى مەن اسحات ەركىمباي قالاعان. قور جۋرناليستەردىڭ, اسىرەسە ايماقتاعى تىلشىلەردىڭ بىلىكتىلىگىن ارتتىرۋدى كوزدەيدى.

جوبانى العاش بولىپ, مەملەكەتتىك ءتىلدى دامىتۋدىڭ پرەزيدەنتتىك قورى قولدايدى. ۇزاماي «؛مىنبەر»؛ سايتى جاسالادى. العاشقى ترەنينگ 2010 جىلى مامىردا «؛مەديا جانە جاڭا تەحنولوگيا»؛ قولداۋشىلارى تاقىرىبىندا وتەدى. ونى سوروس-قازاقستان قورى مەن ەۋروپاداعى قاۋىپسىزدىك جانە ىڭتىماقتاستىق ۇيىمىنىڭ استانا بيۋروسى قولدايدى.

قور جۇزەگە اسىرعان ەڭ ۇزاق جوبا قىزىلوردا قالاسىندا ونىرلىك كىتاپحاناشىلاردىڭ مەدياساۋاتىن ارتتىرۋ بويىنشا 2014-2018 جىلدارى وتكەن ترەنينگتەر. ونى يۋنەسكو-نىڭ الماتىداعى بيۋروسى قولداعان.

15 جىلدا ءتۇرلى سەرىكتەرتەر بولسا, ولاردىڭ ەڭ تۇراقتىسى &ndash؛ internews-kazakhstan. ودان بولەك beeline جانە erg سەكىلدى بيزنەس وكىلدەرى دە قولداۋ تانىتقان. سوڭعىسىنى قولداۋىمەن قور بۇگىنگە دەيىن كوپتەگەن جوبالار جۇزەگە اسىرىپ كەلەدى.

«؛مىنبەر»؛ ءوز تاريحىندا 50-دەن استام ترەنينگ وتكىزىپ, ولاردى مىڭعا تارتا تۇلەك وقىعان. بىرەنەشە وقۋ-ادىستەمەلىك قۇرال باسىپ شىعارعان.

2018 جىلى قوردىڭ جانىنان «؛مىنبەر»؛ اقپارات اگەنتتىگى قۇرىلىپ, بۇگىندە مەديا الىمدەگى ءوزىنىڭ ورنى بار اقپارات رەسۋرسىنا اينالىپ ۇلگەردى. قور بۇگىندە ورتالىققا اينالىپ, اقپاراتتىق, اعارتۋشىلىق, زەرتتەۋ باعىتىندا جۇمىس ىستەيدى.