سەمەيدە دارىگەرلەر سكۆەرى اشىلدى

سەمەيدە №1 قالالىق ەمحانا الدىندا ورنالاسقان دارىگەرلەر سكۆەرىنىڭ سالتاناتتى اشىلۋى ءوتتى. ءىس-شاراعا وبلىس اكىمى نۇرلان ۇرانحاەۆ, دارىگەرلەر, دەنساۋلىق ساقتاۋ سالاسىنىڭ ارداگەرلەرى, ستۋدەنتتەر, قالا تۇرعىندارى جانە بۇقارالىق اقپارات قۇرالدارى وكىلدەرى قاتىستى.

جاڭا سكۆەر - جايلى دەمالىس ورنى عانا ەمەس, سونىمەن قاتار جەرگىلىكتى تۇرعىنداردىڭ بەلسەندى ءومىر سالتىن ناسيحاتتايتىن كەڭىستىك بولماق. سكۆەر - مەديسينا قىزمەتكەرلەرىنىڭ ءوز ىستەرىنە ادالدىعى مەن ادام دەنساۋلىعىن ساقتاۋدا اتقارىپ وتىرعان ولشەۋسىز ەڭبەكتەرىنە العىس پەن ريزاشىلىقتىڭ سيمۆولى بولادى.

جاڭا سكۆەردىڭ جالپى اۋدانى 6 مىڭ شارشى مەتردى قۇرايدى. اۋماقتى كوگالداندىرۋعا ەرەكشە نازار اۋدارىلىپ, قايىڭ, ءسىبىر شىرشاسى, تال, ءبورىقاراقات, شىرشا, ارشا, پيراميدا تەرەكتەرى, ۆيبۋرنۋم جانە تاۋ كۇلى سياقتى بۇتالاردىڭ كوشەتتەرى وتىرعىزىلدى.

سونىمەن قاتار, سپورت الاڭدارى مەن بالالار ويىن الاڭدارى دا قاراستىرىلعان. سكۆەر جارىقتاندىرىلىپ, ورىندىقتار, قوقىس جاشىكتەرى دە ورناتىلدى.

«؛قالامىز وبلىس مارتەبەسىنە يە بولعالى كوز الدىمىزدا وزگەرىپ, جاسارىپ كەلەدى. بۇل ءبىزدى قۋانتادى. وسى ىستەردىڭ باسى-قاسىندا جۇرگەن ازاماتتاردىڭ بارلىعىنا العاسىتان باسقا ايتارىمىز جوق. دەنساۋلىقتى ساقتاۋدىڭ قانشالىقتى ماڭىزدى ەكەنىن اسىرەسە ءبىز, دارىگەرلەر جاقسى بىلەمىز. ال مىنا سكۆەر &ndash؛ باستى بايلىعىمىزدى قالىپتى ۇستاپ تۇرۋعا تاپتىرماس ورىن. تاعى ءبىر اتاپ وتەرلىگى &ndash؛ بۇل سكۆەردىڭ سالىنۋى بىزگە دەگەن قۇرمەتتىڭ بەلگىسى دەپ بىلەمىن, - دەدى ارداگەر دارىگەر, مەديسينا عىلىمدارىنىڭ دوكتورى, پروفەسسور رايفا يۆانوۆا.
بيىل وبلىس اكىمىنىڭ قولداۋىمەن سەمەي قالاسىن اباتتاندىرۋ جۇمىستارى اياسىندا 62 اۋلا مەن 4 قوعامدىق كەڭىستىك جاڭعىرتىلدى. ونىڭ ىشىندە ءدال وسى دارىگەرلەر سكۆەرى, قۇتقارۋشىلار سكۆەرى, ماڭگىلىك ەل كوشەسى, تاريحي قيىلىس سىندى بىرنەشە ورىن بار. ال سول جاعالاۋداعى مۇحتار اۋەزوۆ الاڭىندا جوندەۋ جۇمىستارى بەلسەندى جۇرگىزىلۋدە.