25 قازان, 2024 news
پرەزيدەنت مەملەكەتتىك تۋ كوتەرۋ راسىمىنە قاتىستى
قاسىم-جومارت توقاەۆ ۇلىق مەرەكە – رەسپۋبليكا كۇنىنە ارنالعان مەملەكەتتىك تۋ كوتەرۋ سالتاناتتى راسىمىنە قاتىستى.
فوتو: اقوردا
ىس-شارا «؛اقوردا»؛ رەزيدەنسياسىنىڭ الدىندا ءوتتى.
قۇرمەت قاراۋىلىنىڭ باستىعى پرەزيدەنتكە راپورت بەردى. بۇدان كەيىن قاسىم-جومارت توقاەۆتىڭ بۇيرىعىمەن مەملەكەتتىك تۋ كوتەرىلىپ, ءانۇرانىمىز شىرقالدى.
بارشاعا بەلگىلى, مەملەكەت باسشىسى رەسپۋبليكا كۇنىنە وراي وتكەن سالتاناتتى جيىندا سويلەگەن سوزىندە ەلىمىزدىڭ ەگەمەندىگى تۋرالى دەكلاراسيا قابىلدانعان بۇل كۇندى قاسيەتتى تاۋەلسىزدىگىمىزدىڭ باستاۋى دەپ باعا بەرگەن بولاتىن.
ۇلتتىق مەرەكەنى رەسپۋبليكا بويىنشا رەسمي تۇردە اتاپ ءوتۋ وسى سالتاناتتى شارادان باستالدى. سونىمەن قاتار قازاقستاننىڭ بارلىق وڭىرىندە مەملەكەتتىك تۋ كوتەرۋ ءراسىمى وتەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر