ماڭعىستاۋ وبلىسىنىڭ اكىمى قازاق-وزبەك شەكاراسى اۋماعىندا ارنايى باجسىز ساۋدا ايماعىن قۇرۋدى ۇسىندى

22 قازان كۇنى سامارقاند قالاسىندا وتكەن قازاقستان مەن وزبەكستان ۇكىمەتتەرىنىڭ بىرلەسكەن ءوڭىرارالىق فورۋمىندا ماڭعىستاۋ وبلىسىنىڭ اكىمى نۇرداۋلەت قيلىباي ماڭعىستاۋ وبلىسى مەن وزبەكستاننىڭ ەكونوميكالىق, ساۋدا-ساتتىق بايلانىستارىن كەڭەيتۋگە قاتىستى ءبىرقاتار ۇسىنىس ءبىلدىردى.

بۇگىندە ماڭعىستاۋ مەن وزبەكستاندى بايلانىستىراتىن اۆتوجول سالىنىپ جاتىر. قازاقستان اۋماعىندا «؛تاجەن»؛ كەدەن بەكەتىنە دەيىن جول توسەلۋدە. ال كۇنى كەشە قاراقالپاقستان ورتالىعىنان ەل شەكاراسىنا دەيىن جاڭا اۆتوجول پايدالانۋعا بەرىلدى. بۇل الداعى ۋاقىتتا ماڭعىستاۋ وبلىسى مەن وزبەكستان اراسىنداعى تاۋار اينالىمىنىڭ ارتۋىنا مۇمكىندىك بەرەدى.
نۇرداۋلەت قيلىبايدىڭ ايتۋىنشا, ماڭعىستاۋ ءوڭىرىنىڭ كوتەرمە بازارلارىنا ازىق-تۇلىك ونىمدەرىنىڭ, كوكونىستەردىڭ, جەمىستەردىڭ باسىم بولىگى وزبەكستان رەسپۋبليكاسىنىڭ بۇحارا, سامارقاند, نوكىس, سىرداريا ەگىستىكتەرىنەن اكەلىنەدى. «؛تاجەن»؛ كەدەن بەكەتى ارقىلى كۇنىنە 250-300-گە جۋىق جۇك كولىگى وتەدى, ونىڭ ىشىندە ورتا ەسەپپەن ماڭعىستاۋ وبلىسىنا 25-30 جۇك كولىگى جونەلتىلەدى. بۇل شامامەن 11 مىڭ توننا تاۋار.
&ndash؛ ءبىزدىڭ دەلەگاسيا قۇرامىندا ەلدەگى ەڭ ءىرى كوتەرمە تاراتۋ ورتالىقتارىنىڭ ءبىرى - «؛اقتاۋ ورس»؛ ءجشس-نىڭ قۇرىلتايشىسى بار. قازىرگى ۋاقىتتا ولار قاجەتتى ساۋدا الاڭىن ۇسىنۋعا تولىق دايىن جانە وزبەكستاندىق كاسىپكەرلەر تاراپىنان ناقتى قادامدار كۇتەدى. ءبىز ول جەردە «؛وزبەكستاندا جاسالعان»؛ ساۋدا الاڭىن اشىپ, اۋىل شارۋاشىلىعى جارمەڭكەلەرىن ۇيىمداستىرۋعا دايىنبىز,- دەدى نۇرداۋلەت قيلىباي.
سونداي-اق, ءوڭىرارالىق فورۋمدا ماڭعىستاۋ وبلىسىنىڭ اكىمى ەكى ەل اراسىنداعى ساۋدا-ساتتىق بايلانىستارىن ودان ءارى ارتتىرۋ ماقساتىندا شەكارالاس ايماقتا «؛قورعاس»؛ ساۋدا كەشەنى ۇلگىسىندە ارنايى باجسىز ساۋدا ايماعىن قۇرۋدى ۇسىندى. ساۋدا-ەكونوميكالىق ايماقتىڭ اشىلۋى ماڭعىستاۋ وبلىسى مەن وزبەكستان رەسپۋبليكاسى اراسىنداعى تاۋار اينالىمىن 4 ەسەگە ارتتىرۋعا مۇمكىندىك بەرەدى.
سونىمەن قاتار, جيىندا تۋريزم, اۋىلشارۋاشىلىعى سالاسىنداعى ىنتىماقتاستىق تۋرالى دا ءسوز بولدى. ماسەلەن, وزبەكستان رەسپۋبليكاسىنىڭ تۋروپەراتورلارى ءۇشىن ماڭعىستاۋ وبلىسىنداعى تاريحي-مادەني جانە تۋريستىك ورىنداردى قامتيتىن دايىن تۋرپاكەتتەر ازىرلەنىپ, 2025 جىلى جۇمىسىن باستاۋعا دايىن ەكەندىگى دە ايتىلدى.
&ndash؛ماڭعىستاۋ وبلىسىن دامىتۋداعى باسىم باعىتتاردىڭ ءبىرى &ndash؛ اۋىل شارۋاشىلىعى بولعاندىقتان وڭىردە جىلىجاي شارۋاشىلىعىن بىرلەسىپ دامىتۋدى ۇسىنامىز. ءبىز سۋ, تىڭايتقىشتارعا كەتكەن شىعىنداردىڭ ءبىر بولىگىن سۋبسيديالاۋعا, قاجەتتى ينفراقۇرىلىممەن قامتاماسىز ەتۋگە, تومەن پايىزدىق مولشەرلەمەمەن جەڭىلدەتىلگەن نەسيەلەر مەن قولايلى جەر تەلىمدەرىن بەرۋگە دايىنبىز,-دەپ اتاپ ءوتتى نۇرداۋلەت قيلىباي.
فورۋمدا ايماق باسشىسى وزبەكستانمەن, سونىڭ ىشىندە قاراقالپاقستان رەسپۋبليكاسىمەن ەكىجاقتى ىنتىماقتاستىقتى نىعايتۋعا, ەكونوميكالىق بايلانىستاردى كەڭەيتۋگە باعىتتالعان بارلىق باستامالاردى قولداۋعا دايىن ەكەنىن اتاپ ءوتتى.
جيىن سوڭىندا ماڭعىستاۋ وبلىسى اكىمدىگى مەن قاراقالپاقستان رەسپۋبليكاسى اراسىندا, بەينەۋ جانە حودجەيلى اۋداندارى اراسىندا ىنتىماقتاستىق تۋرالى كەلىسىمگە قول قويىلدى.
تاعى ءبىر ءساتتى كەلىسىم وزبەكستاننىڭ «؛nukus dilisha»؛ جشس مەن بەينەۋ اكىمدىگى جانە «؛اقتاۋ ورس»؛ ءجشس-نىڭ اراسىندا جاسالدى. وزبەكستاندىق كاسىپكەرلەر اقتاۋ قالاسى مەن بەينەۋ اۋدانىندا ءىرى ساۋدا الاڭدارىن سالاتىن بولدى.
ايتا كەتەيىك, ماڭعىستاۋ وبلىسىندا وزبەكستاننىڭ قاتىسۋىمەن 140 كاسىپورىن تىركەلگەن. ەكى ءوڭىردىڭ سىرتقى ساۋدا اينالىمى 2023 جىلدىڭ قورىتىندىسى بويىنشا 13,2 ميلليون اقش دوللارىن قۇرادى.
جالپى تاۋار اينالىمىنان وزبەكستان رەسپۋبليكاسىنان كەلەتىن يمپورتتىڭ ۇلەسى شامامەن 25% قۇراپ وتىر.


ماڭعىستاۋ وبلىسى اكىمىنىڭ ءباسپاسوز قىزمەتى.