ەلىمىزدە 7 بالاسى بار انالار مەملەكەتتەن 2 ملن تەڭگە الادى

بالالى وتباسىلارعا قانداي الەۋمەتتىك قولداۋ كورسەتىلەدى:

- جۇكتىلىك پەن بوسانۋ بويىنشا الەۋمەتتىك تولەم؛

- بالا تۋعاندا تولەم؛

- بالا ءبىر جارىم جاسقا تولعانعا دەيىن ونىڭ كۇتىمى بويىنشا جاردەماقى؛

- مۇگەدەكتىگى بار بالا تاربيەلەپ وتىرعان اتا-انالارعا ارنالعان جاردەماقى.

ۇكىمەت باسشىسى ولجاس بەكتەنوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا ەلىمىزدە كوپبالالى وتباسىلارعا كورسەتىلەتىن قولداۋ جۇيەسى جايلى ءتۇسىندىرىپ بەردى.

بيىل رەسپۋبليكالىق بيۋدجەتتەن مەملەكەتتىك جاردەماقىلاردىڭ 5 ءتۇرىن جانە مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمنىڭ 2 ءتۇرىن تولەۋگە 1,5 ترلن تەڭگە قاراجات ءبولىندى. بيىل 1 قازانداعى جاعداي بويىنشا بۇل تولەمدەردى 2,3 ملن استام ادام الدى, بۇل وتكەن جىلدىڭ وسىنداي كەزەڭىمەن سالىستىرعاندا 10,5%-عا جوعارى. وسىلايشا, مەملەكەتتىڭ ازاماتتار الدىنداعى الەۋمەتتىك مىندەتتەمەلەرى جىل سايىن ءوسىپ كەلەدى, - دەلىنگەن رەسمي جاۋاپتا.

سونداي-اق كوپبالالى وتباسىلارعا الەۋمەتتىك قولداۋ كورسەتۋ ماقساتىندا مەملەكەتتىك جاردەماقى وتباسىنداعى بالالار سانىنا قاراي سارالانعان مولشەردە تولەنەدى.

ولار:

- 4 بالاسى بار وتباسىلارعا &ndash؛ 59 183 تەڭگە؛

- 5 بالاسى بار &ndash؛ 73 988 تەڭگە؛

- 6 بالاسى بار &ndash؛ 88 793 تەڭگە؛

- 7 بالاسى بار &ndash؛ 103 598 تەڭگە؛

8 جانە ودان دا كوپ بالالارى بار وتباسى ءۇشىن &ndash؛ ءار بالاعا 14768 تەڭگەدەن قوسىلادى.

بۇدان باسقا, بەس جانە ودان دا كوپ بالاسى بار وتباسىلار (2020 جىلى &ndash؛ 8,4%, 2024 جىلى &ndash؛ 9,8%) ۇلەسى مەن ناگرادتالعان انالار سانىنىڭ (2020 جىلى &ndash؛ 232 320 ادام, 2024 جىلى &ndash؛ 237 636 ادام) سوڭعى 5 جىلدا وسكەن. بۇل قولدانىستاعى الەۋمەتتىك قورعاۋ جۇيەسىنىڭ تيىمدىلىگىن بىلدىرەدى.