«ۇستازدى ۇلىقتاۋ – ۇلكەن مارتەبە»: اباي وبلىسىنىڭ پەداگوگتەرى كاسىبي مەرەكە كۇنى ۇلىقتالدى

اباي وبلىسىندا ۇستازدار كۇنىنە ارنالعان «؛ۇستازدى ۇلىقتاۋ &ndash؛ ۇلكەن مارتەبە»؛ اتتى سالتاناتتى جيىن ءوتتى. ءىس-شارانىڭ ماقساتى &ndash؛ ۇستازدىڭ قوعامداعى بەدەلىن ارتتىرۋ. شاراعا وبلىس اكىمى نۇرلان ۇرانحاەۆ, وبلىستىق ءماسليحاتتىڭ ءتوراعاسى قۋانىش سۇلەيمەنوۆ, قازاقستاندىق عىلىم جانە جوعارى ءبىلىم قىزمەتكەرلەرىنىڭ كاسىپوداعى فيليالىنىڭ ءتوراعاسى, ارداگەر ۇستازدار قاتىستى.

«؛ساپالى ءبىلىم, سانالى تاربيەنى ۇشتاستىرىپ, ۇرپاققا ءبىلىم بەرگەن ءمۇعالىم ماماندىعى قاي كەزدە دە ۇلى قۇرمەتكە لايىقتى! مەملەكەت باسشىسى قاسىم-جومارت كەمەلۇلى توقاەۆتىڭ تىكەلەي تاپسىرماسىمەن «؛ۇستاز مارتەبەسى»؛ ايقىندالىپ, تورگە وزدى. زاماناۋي ءبىلىم جۇيەسى دامىپ, پەداگوگتەردىڭ كاسىبي تۇرعىدان كەمەلدەنۋىنە بارلىق جاعداي جاسالۋدا. مەكتەپ بازاسى كۇننەن-كۇنگە نىعايىپ كەلەدى. ۇستاز مارتەبەسى مەن ۇلاعاتىن ساقتاپ قالعان بارشا پەداگوگتەرگە ريزاشىلىعىم مەن العىسىمدى بىلدىرەمىن!»؛, - دەدى ايماق باسشىسى ءوز قۇتتىقتاۋىندا.
وڭىر باسشىسى وبلىس مۇعالىمدەرىنىڭ رەسپۋبليكالىق جانە حالىقارالىق دەڭگەيدەگى جوعارى جەتىستىكتەرىن دە اتاپ ءوتتى. ولاردىڭ قاتارىندا «؛ۇزدىك پەداگوگ &ndash؛ 2024»؛ اتاعىنا يە بولعان جادىرا تولەۋقوڭىر مەن شىنار باياحمەتوۆا, رەسپۋبليكالىق كاسىپتىك شەبەرلىك بايقاۋىندا 1-ورىن العان گۇلناز ماۆليتاەۆا, «؛emiratesskills 2024»؛, «؛worldskills lyon 2024»؛ چەمپيوناتتارىنىڭ جەڭىمپازدارىن دايىنداعان كۇلپان تۇسىپباەۆا بار. سونىمەن قاتار حالىقارالىق روبوتوتەحنيكا بايقاۋىنىڭ جەڭىمپازىن دايىنداعان بورودۋليحا اۋدانى «؛اباي اتىنداعى ورتا مەكتەبى»؛ ينفورماتيكا ءپانىنىڭ ءمۇعالىمى گالينا نيكولاەۆنا, «؛مەكتەپكە دەيىنگى ۇيىمنىڭ ۇزدىك تاربيەشىسى»؛ رەسپۋبليكالىق بايقاۋىنىڭ باس جۇلدە يەگەرى «؛ورلەۋ»؛ بالاباقشاسىنىڭ تاربيەشىسى يرينا بوچاروۆالار بار. بۇل ەسىمدەردىڭ قاتارىندا «؛ەڭبەك ەرى»؛ اتاعىنا يە بولعان «؛№7 ورتا مەكتەپ ليسەيىنىڭ»؛ ماتەماتيكا ءپانىنىڭ ءمۇعالىمى الما شۇكىجانوۆا دا بار.

مەرەكەلىك شاراعا وبلىستان 500-گە جۋىق ۇستاز قاتىستى. ۇزدىكتەر قازاقستان رەسپۋبليكاسى وقۋ-اعارتۋ مينيسترلىگىنى توسبەلگىلەرى, اباي وبلىسى اكىمىنىڭ, وبلىستىق ءبىلىم باسقارماسىنىڭ گراموتالارىمەن ماراپاتتالدى. مەرەكەنىڭ كوركىن «؛مەرەيلى ۇستاز»؛ كونسەرتتىك باعدارلاماسى اشا ءتۇستى.

بۇگىندە اباي وبلىسىنىڭ ءبىلىم بەرۋ سالاسىندا ءبىرقاتار وڭ وزگەرىستەر جۇزەگە اسۋدا. «؛جايلى مەكتەپ»؛ جوباسى اياسىندا 2025 جىلعا دەيىن 11 جاڭا مەكتەپ اشۋ جوسپارلانۋدا. وبلىس ورتالىعىندا كوپسالالى وقۋشىلار سارايىنىڭ قۇرىلىسى باستالدى.