ۇستازدارعا قۇرمەت: مەرەكەلىك ءىس-شارادا ۇزدىك پەداگوگتەر ماراپاتتالدى

الماتى وبلىسىندا «؛ۇستاز اتى &ndash؛ بيىك ءارى ماڭگىلىك»؛ اتتى اۋداندىق مەرەكەلىك ءىس-شارا ءوتتى. بۇل شارا ۇستازداردىڭ قوعامداعى ءرولىن قۇرمەتتەۋ جانە ولاردىڭ قاجىرلى ەڭبەگىن مويىنداۋ ماقساتىندا ۇيىمداستىرىلدى.

شونجىدا وتكەن ءىس-شارا بارىسىندا ۇزدىك پەداگوگتەر ءتۇرلى ماراپاتتارعا يە بولدى. قازاقستان رەسپۋبليكاسى وقۋ-اعارتۋ مينيسترلىگىنىڭ «؛ىبىراي التىنسارين»؛ توسبەلگىسىمەن 6 پەداگوگ, قۇرمەت گراموتاسىمەن 20 پەداگوگ, مينيسترلىكتىڭ العىس حاتىمەن 61 پەداگوگ ماراپاتتالدى. سونىمەن قاتار, &ldquo؛ەڭبەك ارداگەرى&rdquo؛ مەدالىمەن 3 پەداگوگتىڭ ۇزاق جىلعى ەڭبەگى باعالانىپ, ولارعا ەرەكشە قۇرمەت كورسەتىلدى.

الماتى وبلىسى ءبىلىم باسقارماسى باسشىسىنىڭ قۇرمەت گراموتاسىمەن 81 پەداگوگ ماراپاتتالدى. اۋدان اكىمىنىڭ اتىنان 18 پەداگوگقا العىس حات تابىستالىپ, ءوز سالاسىندا وزىق ناتيجە كورسەتكەن 100 پەداگوگتىڭ ەڭبەگى ەسكەرىلدى.

شاراعا ارنايى قاتىسقان قوناقتاردىڭ قاتارىندا &ldquo؛ورلەۋ&rdquo؛ بىلىكتىلىكتى ارتتىرۋ ۇلتتىق ورتالىعى&rdquo؛ اق فيليالىنىڭ الماتى وبلىسى بويىنشا كاسىبي دامۋ ينستيتۋتى ديرەكتورىنىڭ ورىنباسارى, phd دوكتورى ماسيموۆا حۋرشيدام تاشبولاتوۆنا, اۋدان اكىمى ەلەۋسىزوۆا بوتا سەرىكقىزى جانە قوعام بەلسەندىلەرى بولدى. قوناقتار ۇستازدارعا العىس ءبىلدىرىپ, ولاردىڭ ءبىلىم بەرۋ سالاسىنا قوسقان ۇلەسىن ەرەكشە اتاپ ءوتتى.