24 قازان, 2024 شىعىس قازاقستان وبلىسى
فوتو: اباي وبلىسى اكىمدىگى
كوكپەكتى اۋدانىندا كەزەكتە تۇرعانداردى باسپانامەن قامتۋ جۇمىستارى قارقىندى جۇرگىزىلۋدە. قول قويىلعان مەموراندۋم اياسىندا ءاربىر پاتەردىڭ اۋدانى 85 شارشى مەتر بولاتىن 50 تۇرعىن ءۇيدىڭ قۇرىلىسى باستالدى.
قازىرگى ۋاقىتتا كوكپەكتى اۋىلىندا ەكى پاتەرلى بەس, ۇلكەنبوكەن اۋىلىندا ون, ۇلگىلىمالشى اۋىلىندا ءتورت, شۇعىلباي اۋىلىندا ءۇش تۇرعىن ءۇي سالىنۋدا. سونداي-اق تەرەكتى جانە ءشارىپتوعاي اۋىلدارىندا ەكى تۇرعىن ءۇي قۇرىلىسى ءجۇرىپ جاتىر.
رەسپۋبليكا كۇنى مەرەكەسىنە وراي كوكپەكتى اۋىلىندا جاڭا ۇيلەردىڭ كىلتىن سالتاناتتى تۇردە تابىستاۋ ءراسىمى ءوتتى. شاراعا اۋدان اكىمى ادىلەت قوجانباەۆ قاتىسىپ, جاڭا قونىستانۋشىلاردى كوپتەن كۇتكەن قونىس تويلارىمەن قۇتتىقتادى.
باسپاناعا يە بولعانداردىڭ ءبىرى, كوپ بالالى انا دينارا تولەۋعاليقىزى ءوز قۋانىشىمەن بولىستى.
«؛كوپ جىلدار بويى وتباسىمىزبەن جالدامالى پاتەردە تۇردىق. باسپانا كەزەگىندە تۇردىم. ءوز باسپانامىز بولسا دەپ ارماندادىق. بۇگىن ارمانىمىز ورىندالىپ, ءۇش بولمەلى كەڭ پاتەر الدىق. وتە قۋانىشتىمىز»؛, - دەدى دينارا تولەۋعاليقىزى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر