23 قازان, 2024 news
“ۋاقىتتى كەرى قايتارۋ“ پەتيسياسى: ماسەلە نەگە رەفەرەندۋمدا قارالمادى؟
پرەمەر-مينيستردىڭ ورىنباسارى سەرىك جۇمانعارين قازاقستاندىقتاردىڭ بۇرىن قولدانىستا بولعان ۋاقىت بەلدەۋىن قايتارۋ تۋرالى جاڭا پەتيسياسىنا قاتىستى پىكىر ءبىلدىردى.
كورنەكى سۋرەت
پرەمەر-مينيستردىڭ ورىنباسارى مۇنداي ماسەلە جالپى تالقىلاۋدى قاجەت ەتپەگەنىن ايتتى.
- ۇكىمەت قانداي دا ءبىر شەشىم قابىلداعان كەزدە, شەشىم قابىلداۋدىڭ بەلگىلى ءبىر ەرەجەسى بار, ول مىندەتتى تۇردە مەملەكەتتىك رەفەرەندۋم وتكىزە بەرۋى كەرەك ەمەس. بۇل ءۇشىن القالى ورگان بار. بۇل جاعدايدا شەشىم قابىلداعانعا دەيىن قاجەتتى زەرتتەۋلەر جۇرگىزىلىپ, شەشىم قابىلداندى. وسىدان كەيىن رەگلامەنت اياسىندا ءوتىنىش كەلىپ ءتۇستى, ول بەلگىلەنگەن تارتىپتە قارالدى, بارلىق وڭ جانە تەرىس جاقتارى ءتيىستى توپتاردا قارالدىم, - دەدى جۇمانعارين ۇكىمەت وتىرىسىندا.
ونىڭ ايتۋىنشا, سوڭعى شەشىم قابىلدانعان.
- بۇل جاعدايدى قىسقا مەرزىمدى ەمەس, ورتا مەرزىمدى پەرسپەكتيۆادا زەرتتەيىك, بۇل ءىس جۇزىندە اسەر ەتە مە الدە اسەر ەتپەي مە. ءقازىر بۇل ماسەلەنى كوتەرىپ, قايتا تۇسىنىكتەمە بەرۋگە ۇكىمەتتىڭ نيەتى جوق. ەگەر رەگلامەنتتەن اۋىتقي بەرەتىن بولساق.. شەشىم بولدى, پەتيسيا بولدى, پەتيسيا قارالدى, شەشىم راستالدى, مەنىڭ ويىمشا, وسىمەن توقتالۋ كەرەك, - دەپ تۇيىندەدى پرەمەر-مينيستردىڭ ورىنباسارى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر