23 قازان, 2024 news
قىتايعا جالپى استىق ەكسپورتى 5,5 ەسە ءوستى – قايرات تورەباەۆ
قازاقستان يتالياعا 1 ملن توننا بيداي جەتكىزۋ ءۇشىن كەلىسسوز جۇرگىزىپ جاتىر. بۇل تۋرالى ۇكىمەت وتىرىسىندا cاۋدا جانە ينتەگراسيا ۆيسە-مينيسترى قايرات تورەباەۆ ايتتى.
كورنەكى سۋرەت
«؛قازاقستاننىڭ 2024 جىلعا ارنالعان استىق داقىلدارى بويىنشا ەكسپورتتىق الەۋەتى 12 ملن توننا, ونىڭ ىشىندە 7-7,5 ملن توننا &ndash؛ بيداي, 1,3-1,4 ملن توننا &ndash؛ ارپا, 300 مىڭ توننا &ndash؛ جۇگەرى. سونىمەن قاتار, مايلى داقىلدار بويىنشا الەۋەت 1 ملن توننادان اسادى. ورتالىق ازيا مەن اۋعانستانعا 4,2 ملن توننا بيداي جەتكىزىلەدى دەپ كۇتىلۋدە. وتكەن جىلى قىتايعا جالپى استىق ەكسپورتى 1,43 ملن توننانى قۇراپ, 2022 جىلمەن سالىستىرعاندا 5,5 ەسە ءوستى. ونىڭ ىشىندە بيدايدىڭ ۇلەسى - 538,8 مىڭ توننا, وتكەن جىلعى كورسەتكىشتەن 15 ەسە ارتىق. بۇل قىتايعا ەكسپورت كولەمىن 1,6 ملن تونناعا دەيىن ارتتىرۋعا مۇمكىندىك بەرەدى. دەگەنمەن, قىتاي شەكاراسىنداعى كىدىرىستەر مەن ليسەنزيالاۋ شارتتارى ءالى دە شەشۋدى تالاپ ەتەدى»؛, - دەدى ۆيسە-ميينستر.
ونىڭ اتاپ وتۋىنشە, جاھاندىق سۇرانىستىڭ ارتۋى جانە ونىمدىلىكتىڭ تومەندەۋىنە بايلانىستى يتاليا, لاتۆيا, يسپانيا سياقتى ەو ەلدەرى ماڭىزدى نارىقتار بولىپ وتىر. قازاقستان ءۇشىن بيدايدى رەسەي ارقىلى ترانزيتتەۋ جانە ترانسكاسپيي حالىقارالىق كولىك باعىتى بويىنشا شىعىنداردى ازايتۋ وزەكتى. وسى باعىت ارقىلى تۇركيا مەن تاياۋ شىعىسقا شامامەن 1 ملن توننا بيداي ەكسپورتتاۋعا مۇمكىندىك بار.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر