سقو-دا بالالاردىڭ ولىمىنە سەبەپ بولعان ۋلانۋ دەرەگى: مەدبيكەگە قاتىستى قىلمىستىق ءىس قوزعالدى

سولتۇستىك قازاقستان وبلىسىندا 3 جاسار جانە 7 جاسار بالالاردىڭ ولىمىنە سەبەپ بولعان ۋلانۋدان كەيىن مەدبيكەگە قاتىستى قىلمىستىق ءىس قوزعالدى. ؛

سقو پوليسيا دەپارتامەنتىنىڭ مالىمەتىنشە, مەديسينالىق قىزمەتكەرگە قىزمەتتىك مىندەتتەرىن تيىسىنشە ورىندامادى دەگەن ايىپ تاعىلعان.

ايماقتىق باسىلىم مالىمەتىنشە, سولتۇستىك قازاقستان وبلىسىندا بالالاردىڭ ولىمىنە اكەلىپ سوقتىرعان ۋلانۋعا قاتىستى قىلمىس قۇرامىنىڭ جوقتىعىنان سانيتارلىق ەرەجەلەردى بۇزۋ فاكتىسى بويىنشا قوزعالعان قىلمىستىق ءىس اياقتالدى.

سونداي-اق مەديسينا قىزمەتكەرىنىڭ ەكى نەمەسە ودان دا كوپ ادامنىڭ ولىمىنە اكەپ سوقتىرعان قىزمەتتىك مىندەتتەرىن تيىسىنشە ورىنداماۋى بابى بويىنشا دا جاڭادان تەرگەۋ باستالدى. اتالعان فاكت سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە "ابايسىزدا ادامداردىڭ جاپپاي ۋلانۋىنا جانە ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان سانيتارلىق ەرەجەلەر مەن گيگيەنالىق نورمالاردى بۇزۋ" بابى بويىنشا تىركەلدى. الايدا ءىس قىلمىس قۇرامىنىڭ بولماۋىنا بايلانىستى توقتاعان.

"اتالعان قىلمىستىق ءىس بويىنشا ماتەريالدار جەكە وندىرىسكە جىبەرىلىپ, قازاقستان رەسپۋبليكاسى قىلمىستىق كودەكسىنىڭ 317-بابى ؛ 4-بولىگى ("مەديسينا نەمەسە فارماسەۆتيكا قىزمەتكەرىنىڭ كاسىپتىك مىندەتتەرىن تيىسىنشە ورىنداماۋى") بويىنشا سوتقا دەيىنگى تەرگەپ-تەكسەرۋلەر باستالدى", &ndash؛  ؛دەلىنگەن سولتۇستىك قازاقستان وبلىسى پوليسيا دەپارتامەنتىنىڭ ءباسپاسوز قىزمەتى تاراتقان حابارلامادا.

ايتا كەتەيىك, بۇعان دەيىن سولتۇستىك قازاقستان وبلىسى قىزىلجار اۋدانىنىڭ نادەجكا اۋىلىندا ءبىر وتباسى تاماقتان ۋلانىپ قالعانى حابارلاندى. اۋىل دۇكەنىنەن تاماق العان وتباسى كەشكى اس دايىنداپ, ارتىنشا جاتىپ قالعان. تۋىستارىنىڭ ايتۋىنشا, الدىمەن كىشكەنتاي ءسابي قۇسا باستاعان. ارتىنشا قالعان ەكى بالانىڭ ءحالى ناشارلاعان.

قايعىلى وقيعادان ءبىر كۇن بۇرىن وتباسىنىڭ اۋىلدىق دۇكەننەن وڭدەلگەن تاعامدار جەپ, گازدالعان سۋسىن ىشكەنى اتاپ ءوتىلدى.

كەيىنىرەك سانيتاريالىق-ەپيدەميولوگيالىق باقىلاۋ دەپارتامەنتىندە ۋلانۋدان ەكى بالانىڭ ءولىمىنىڭ ءمان-جايى مەن جۇرگىزىلىپ جاتقان تەرگەۋ جۇمىستارى ايتىلدى.

شىلدە ايىنىڭ باسىندا پوليسەيلەر بالالاردىڭ ۋلانۋ سەبەبىن نيتريتتەن جەدەل ۋلانۋ دەپ تاپتى.