23 قازان, 2024 news
قازاقستان ءالى كۇنگە دەيىن نەگە يمپورتقا تاۋەلدى؟ سەرىك جۇمانعارين جاۋاپ بەردى
ۇكىمەتتىڭ ءباسپاسوز بريفينگىندە باق وكىلدەرى ەلىمىزدىڭ ءالى كۇنگە دەيىن يمپورتقا تاۋەلدى ەكەنىن ايتىپ, ونىڭ سەبەبىن سۇرادى.
اشىق دەرەككوزدەن
اتالعان ساۋالعا پرەمەر-مينيستردىڭ ورىنباسارى سەرىك جۇمانعارين حالىقارالىق ساۋدانىڭ نەگىزى تاۋار اينالىمى ەكەنىن ايتتى.
- ءبىر مەملەكەت تاۋاردىڭ ءبىر ءتۇرىن شىعارسا, ەكىنشى ءبىر مەملەكەت باسقا تاۋار شىعارادى دەگەن سياقتى. بۇكىل تاۋارلار ءبىر مەملەكەتتەن شىعارىلاتىن بولسا, ساۋدا بولمايدى عوي. سول سەبەپتى, ءبىز دە ءبارىن شىعارا بەرمەيمىز. ءبارىن وندىرەتىندەي جوسپار دا جوق. دەسە دە ازىق-تۇلىك تاۋارلارىنىڭ الەۋمەتتىك ماڭىزى بار. ال ءوز-وزىمىزدى 100 پايىز قامتاماسىز ەتۋدى مىندەتتى تۇردە جاسايمىز. قازىرگى ۋاقىتتا 10 تاۋارلىق پوزيسيامەن ءوزىمىزدى 100 پايىز قامتاماسىز ەتتىك, &ndash؛ دەيدى پرەمەر-مينيستردىڭ ورىنباسارى.
ال ساۋداعا كەلەتىن بولساق, بۇل تۇرعىدا ونەركاسىپ جانە قۇرىلىس مينيسترلىگىنىڭ ءوز باعدارلاماسى بار.
- تۇرمىستىق حيميا قازاقستاندا شىعارىلادى. ايەلدەر مەن بالالارعا ارنالعان بۇكىل زاتتار وندىرىلەدى. ءبىراق ونى بىرەۋى الادى, ەندى ءبىرى المايدى. سەبەبى ءاربىر ادامنىڭ ءوزىنىڭ تالابى مەن تاڭداۋى بار. مىسالى, بىرەۋگە شەتەلدىك زاتتار كەرەك شىعار. سوندىقتان ءبىرىنشى اسسورتيمەنت بولۋى كەرەك, ەكىنشىدەن, ءوزىمىزدىڭ ىشكى باعدارلامامىز بولۋى قاجەت. مۇنىڭ ءبارى ءقازىر تولىق بار, &ndash؛ پرەمەر-مينيستردىڭ ورىنباسارى سەرىك جۇمانعارين.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر