مەملەكەتكە قايتارىلعان قاراجاتتان تۇركىستان مەن اقمولا وبلىسىنا الەۋمەتتىك نىساندار سالىنادى – ۇكىمەت

زاڭسىز اكتيۆتەردى قايتارۋ جونىندەگى كوميسسيا «؛زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى»؛ زاڭ شەڭبەرىندە جۇمىسىن جالعاستىرۋدا. بارلىق قاراجات الەۋمەتتىك پايدالى ماقساتتارعا ودان ءارى قايتا ءبولۋ ءۇشىن ارناۋلى مەملەكەتتىك قورعا جىبەرىلەدى.

ۇكىمەت مەملەكەت باسشىسىنىڭ تاپسىرماسى بويىنشا اقمولا وبلىسىنىڭ زەرەندى اۋىلىندا قۇنى 2,1 ملرد تەڭگە بولاتىن سپورت كەشەنىن جانە تۇركىستان وبلىسىنىڭ تەمىرلان اۋلىندا 890 ملن تەڭگە سوماعا مۋزىكا مەكتەبىن سالۋ جونىندەگى العاشقى ەكى الەۋمەتتىك جوبانى ىسكە اسىرۋعا ارناۋلى مەملەكەتتىك قوردان قاراجات ءبولۋ تۋرالى شەشىم قابىلدادى.

بۇل باستامالار تۇرعىنداردى ءبىلىم بەرۋ جانە سپورتتىق قىزمەتتەرمەن قامتۋدى ارتتىرۋ ءۇشىن اۋىلدىق جەرلەردە الەۋمەتتىك ينفراقۇرىلىمدى دامىتۋعا باعىتتالعان.

ماسەلەن, اقمولا وبلىسىنىڭ زەرەندى اۋىلىندا اۋدانى 6 مىڭ م2 اساتىن, ءبىر اۋىسىمدا 80 ادامدى قابىلدايتىن سپورت كەشەنىن سالۋ جوسپارلانىپ وتىر. نىسان بەلسەندى تۇرعىندارعا بوس ۋاقىتىتىن ءتيىمدى وتكىزۋگە مۇمكىندىك بەرەدى &ndash؛ اۋداندا 14,5 مىڭنان استام ادام جۇيەلى تۇردە سپورتپەن شۇعىلدانادى. جوباعا سايكەس, ورتالىقتا كۇرەس, بوكس, شاڭعى تەبۋ سىندى سپورت تۇرلەرىمەن اينالىسۋ ءۇشىن جابدىقتالادى, 2 جاتتىعۋ زالى قاجەتتى قۇرال-جابدىقتارمەن قامتىلادى. سونداي-اق كەشەندە سپورتشىلاردى جاتتىقتىرۋ مەن ساۋىقتىرۋ جۇمىستارىن ساپالى ءارى ءتيىمدى جۇزەگە اسىرۋ ءۇشىن قاجەتتى قۇرال-جابدىق جانە باسقا دا قوسالقى ءۇي-جايلار قاراستىرىلعان.

تۇركىستان وبلىسىنداعى تەمىرلان اۋلىندا 300 ورىندىق جاڭا ونەر مەكتەبىن سالۋ جوسپارلانىپ وتىر. 1974 جىلى قابىرعاسى كاركاستان سالىنعان قازىرگى عيمارات زاماناۋي سانيتارلىق جانە ءورت قاۋىپسىزدىگى تالاپتارىنا ساي ەمەس, كۇردەلى جوندەۋگە جارامايدى. سوعان قاراماستان, بۇگىنگى تاڭدا كەشەن جۇمىس ىستەپ تۇر &ndash؛ ورتالىقتا 420-عا دەيىن بالا وقيدى, بۇل ونىڭ قازىرگى قابىلداۋ مۇمكىندىگىنەن 2 ەسەگە ارتىق, 45 ءمۇعالىم ساباق بەرەدى. جاڭا جوبا اۋىلدا ونەر سالاسىندا قوسىمشا ساپالى ءبىلىم الۋ ءۇشىن جاعداي ءجاسايدىى. بالالار جايلى ورتادا مۋزىكامەن, حورەوگرافيامەن اينالىسۋعا مۇمكىندىك الادى.

بۇگىنگى تاڭدا ارناۋلى مەملەكەتتىك قوردا 177 ملرد تەڭگە جيناقتالعان. بۇل قاراجاتتىڭ بارلىعى الەۋمەتتىك جانە ينفراقۇرىلىمدىق نىساندار سالۋعا, باسقا دا الەۋمەتتىك ماڭىزدى ماقساتتارعا, سونىڭ ىشىندە دەنساۋلىق ساقتاۋ, ءبىلىم بەرۋ, بۇقارالىق سپورت جانە وزگە سالالارداعى جوبالاردى ىسكە اسىرۋعا باعىتتالاتىن بولادى.

زاڭسىز يەمدەنىلگەن اكتيۆتەردى مەملەكەتكە قايتارۋ ماسەلەلەرى جونىندەگى كوميسسيانى قر پرەمەر-مينيسترى باسقارادى, جۇمىس ورگانى &ndash؛ قر باس پروكۋراتۋرانىڭ اكتيۆتەردى قايتارۋ جونىندەگى كوميتەتى.