21 قازان, 2024 news
قازاقستان مەن وزبەكستان اراسىنداعى ەكولوگيا سالاسىنداعى ىنتىماقتاستىق تۋرالى كەلىسىم قارالادى
بۇگىن سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى.
فوتو: سەنات
وندا دەپۋتاتتار 24 قازان كۇنى وتەتىن سەنات وتىرىسىنىڭ كۇن ءتارتىبىن بەكىتتى جانە پالاتانىڭ الداعى جۇمىس جوسپارىن پىسىقتادى.
كۇن تارتىبىنە سايكەس الداعى بەيسەنبىدە سەنات وتىرىسىندا «؛قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى ەكولوگيا جانە قورشاعان ورتانى قورعاۋ سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى»؛ زاڭ قارالادى.
كەلىسىم ارال باسسەينىندەگى ەكولوگيالىق احۋالدى جاقسارتۋدى كوزدەيتىن بىرلەسكەن ءىس-شارالار ازىرلەۋگە, قورشاعان ورتانى قورعاۋ سالاسىنداعى ىنتىماقتاستىقتى دامىتۋعا جانە ەكى ەلدىڭ قارىم-قاتىناسىن ودان ءارى ارتتىرۋعا باعىتتالعان.
سونداي-اق بيۋرو وتىرىسىندا پالاتا دەپۋتاتتارىنىڭ «؛دامۋ»؛ كاسىپكەرلىكتى دامىتۋ قورى»؛ اق باسشىلىعىمەن بولاتىن الداعى كەزدەسۋىنە قاتىستى ماسەلەلەر تالقىلاندى. اتالعان ءىس-شارادا مەملەكەتتىك قولداۋعا يە بولعان كاسىپكەرلىك سۋبەكتىلەرىنىڭ باسىم جوبالارى جونىندە ءسوز قوزعالماق.
ماۋلەن اشىمباەۆ اتاپ وتكەندەي, مەملەكەت باسشىسى قازاقستاننىڭ كاسىپكەرلىك بەلسەندىلىگىن ارتتىرۋعا ۇنەمى ەرەكشە ءمان بەرىپ كەلەدى. وسى رەتتە پرەزيدەنت كوتەرگەن ماسەلەلەردى جان-جاقتى زەرتتەپ, تالقىلاپ, ولاردى شەشۋ جولىندا بىرلەسىپ ارەكەت ەتكەن ءجون.
سونداي-اق بيۋرو وتىرىسىندا ماجىلىستەن كەلىپ تۇسكەن زاڭدار جۇمىس ءۇشىن تۇراقتى كوميتەتتەرگە ءبولىنىپ بەرىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر