21 قازان, 2024 news
الماتىدا كولىك قۇرالدارىن تىركەۋگە قويۋدىڭ قىلمىستىق سحەماسى انىقتادى
توپ كولىك قۇرالىنىڭ بىرەگەي كودىن وزگەرتۋ جانە قۇجاتتاردى قولدان جاساۋ ارقىلى اۆتوكولىكتەردى تىركەۋمەن اينالىسقان. ناتيجەسىندە vin-كودتاردى وزگەرتۋمەن اينالىسقان جەراستى سەحىنىڭ جۇمىسى اشكەرەلەندى. تىركەۋگە زاڭسىز قويىلعان 150-دەن استام اۆتوكولىك انىقتالدى.
كورنەكى سۋرەت
"قىلمىستىق ىس-ارەكەتكە ارنايى حالىققا قىزمەت كورسەتۋ ورتالىعى قىزمەتكەرلەرىنىڭ جانە دەلدالداردىڭ قاتىسى انىقتالدى. ءبىر دروپپەرگە 50 اۆتوكولىككە دەيىن تىركەلگەن. 17 كۇدىكتى ۇستالدى. زاتتاي دالەلدەمەلەر تاركىلەندى. اەق قاۋىپسىزدىك قىزمەتىمەن بىرلەسىپ تەكسەرۋ جالعاسىپ جاتىر", &ndash؛ دەدى ءىىم ۇيىمداسقان قىلمىسقا قارسى كۇرەس دەپارتامەنتى وكىلى قۋاندىق الپىس.
مەملەكەتكە زاڭسىز ارەكەتتەردەن كەلتىرىلگەن زالال شامامەن 320 ملن تەڭگەدەن استى. الاياقتىق, مالىمەتتەر بازاسىنداعى اقپاراتتى زاڭسىز وزگەرتۋ مەن كولىك قۇرالدارىنىڭ سايكەستەندىرۋ نومىرلەرىن قولدان جاساۋ فاكتىلەرى بويىنشا 17 قىلمىستىق ءىس تەرگەلىپ جاتىر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر