21 قازان, 2024 news
قازاقستاندا جۇرگىزۋشىلەرگە موپەدىن تىركەۋ ءۇشىن قانداي قۇجاتتار كەرەگى ايتىلدى
ىشكى ىستەر مينيسترلىگىنە قاراستى اكىمشىلىك پوليسيا كوميتەتى موپەد يەلەرىنىڭ ترانسپورتىن تىركەۋ ءۇشىن ۇسىنۋعا ءتيىس ناقتى قۇجاتتار ءتىزىمىن جاريالادى.
كورنەكى سۋرەت
ەڭ اۋەلى ؛ازاماتتار جەكە باستى كۋالاندىراتىن قۇجاتتى (جەكە باستى سايكەستەندىرۋ ءۇشىن) نەمەسە سيفرلىق قۇجاتتار سەرۆيسىنەن ەلەكتروندى ؛نىسانداعى قۇجاتتى الۋى قاجەت. سونىمەن قاتار سالىق كودەكسىنىنىڭ 553 جانە 615-باپتارىندا كوزدەلگەن تىركەۋ الىمىمەن كقتك, متنب بەرگەنى ءۇشىن مەملەكەتتىك باجدىڭ تولەنگەنىن راستايتىن قۇجاتتار بولۋى كەرەك.
- تەحنيكالىق قۇجات (بار بولعان جاعدايدا) نەمەسە موپەدتىڭ تەحنيكالىق سيپاتتامالارى تۋرالى اشىق اقپاراتتىق كوزدەردەن الىنعان مالىمەت؛
- ترانسپورت يەسىنىڭ وتىنىشى؛
- كولىك قۇرالىن قاراپ تەكسەرۋ اكتىسى (كولىك قۇرالىن باستاپقى تىركەۋ كەزىندە) قاجەت.
اكىمشىلىك پوليسيا كوميتەتىنىڭ مالىمەتىنشە, موپەد جاقتاۋىنىڭ ءنومىرى بولماعان جاعدايدا سايكەستەندىرۋ ءنومىرىن ۋاكىلەتتى ورگان تىركەۋ ارەكەتتەرى جاسالعانعا دەيىن موپەد يەسىنىڭ ءوتىنىشى بويىنشا ۇسىنادى.
ايتا كەتەيىك, قازاندا پرەزيدەنت قاسىم-جومارت توقاەۆ قازاقستاندا موپەدتەر مەن سكۋتەرلەردى مىندەتتى تىركەۋ تۋرالى زاڭعا قول قويدى. جاڭا زاڭعا سايكەس موپەديستەر دە ا1 ساناتىنداعى جۇرگىزۋشى كۋالىگىن الۋعا مىندەتتى بولادى. ىشكى ىستەر مينيسترلىگىنىڭ مالىمەتىنشە, موپەدتەردى تىركەۋ الگوريتمى ءالى ازىرلەنىپ جاتىر. جۇرگىزۋشىلەر كەلەسى جىلدىڭ ساۋىرىنە دەيىن جازالانبايدى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر