دەپۋتات زەينەت جاسىنا جەتكەندەرگە جاردەماقىنى توقتاتپاي بەرە بەرۋدى ۇسىندى

دەپۋتات پرەمەر-مينيستردىڭ ورىنباسارى تامارا دۇيسەنوۆا جولداعان ساۋالىندا وسىنداي ۇسىنىس جاسادى.

قازاقستاندا الەۋمەتتىك ءالسىز توپتار جىلدان جىلعا كوبەيىپ جاتىر. قاراۋسىز قالعان قارتتار, اسىراۋشىسىنان ايىرىلعان كوپ بالالى وتباسىلار, الدە كىمنىڭ جاۋاپسىزدىعىنان جالعىز قالعان جالعىز باستى انالار, تاعىسىن تاعى تىزبەكتەي بەرۋگە بولادى. ءبىراق سولاردىڭ ىشىندەگى ەڭ قورعانسىزى دەپ ءتانى دە, جانى دا جارالى &ndash؛ مۇگەدەكتىگى بار جانداردى ايتۋعا بولادى. مۇگەدەكتىگى بار جاندار زەينەت جاسىنا كەلگەندە نە زەينەتاقى, نە جاردەماقىنى تاڭداۋعا ءماجبۇر, - دەيدى دەپۋتات.

ونىڭ سوزىنشە, جۇمىسپەن قامتىلماعان ادامنان زەينەتاقى قورىنا ەش قارجى تۇسپەسە, زەينەتاقىسى دا از بولادى.

ەڭبەك ءوتىلى 1998 جىلدان باستاپ جۇمىس ىستەگەن مۇگەدەك ازاماتتارعا, زەينەتكە شىققاندا تەك زەينەت اقى قورىندا جينالعان قاراجات قانا ءبولىنىپ بەرىلەدى. ول دەگەنىمىز, قورعا قاراجات اۋدارمايتىن مۇگەدەك جان ەشتەڭەسىز قالادى دەگەن ءسوز. يا سىزدەر &ldquo؛مۇگەدەك وزدىگىنەن ەرىكتى تۇردە قاراجات اۋدارۋ كەرەك&rdquo؛ دەپ ايتاسىزدار, ءبىراق 95 مىڭ تەڭگە جاردەماقى الاتىن مۇگەدەك نەسىن اۋدارادى؟ دەمەك بۇل مۇگەدەك زەينەتاقىسىز قالادى دەگەن ءسوز. سوندا قالاي؟ سىزدەردىڭ ويلارىڭىزشا, زەينەتكە شىققان مۇگەدەك قارتايعان شاعىندا قۇلان تازا ساۋىعىپ كەتە مە؟ &ndash؛ دەپ سۇرادى ول.

دەپۋتات تاڭساۋلە سەرىكوۆ اتاپ وتكەندەي, ءىىى توپ ساناتتاعى مۇگەدەك ادامنىڭ ءوزى نە قولى, نە اياعى جوق ادام.

بۇگىندە ءى توپ 95 496 تەڭگە, ءىى توپ 79 435 تەڭگە, ءىىى توپتاعى مۇگەدەكتەر 69 886 تەڭگە جاردەماقى الادى ەكەن. سول سەبەپتى الەۋمەتتىك كودەكسكە وزگەرتۋلەر ەنگىزۋ ارقىلى وسى جاردەماقىمەن زەينەتاقىنى قوسا بەرۋ كەرەك. ونداي بولماعان جاعدايدا ەڭبەككە قابىلەتتى مۇگەدەكتەردى جۇمىسپەن قامتۋ قاجەت. قازاقستان رەسپۋبليكاسى ۇكىمەتىنىڭ 2019 جىلعى مامىر ايىنداعى №326 قاۋلىسى بويىنشا قازاقستان رەسپۋبليكاسىندا مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە تۇرمىس ساپاسىن جاقسارتۋ جونىندەگى ۇلتتىق جوسپارى 2025 جىلعا دەيىن بەكىتىلگەن. سوندا مۇگەدەكتىگى بار جانداردىڭ جاعدايىن 2025 جىلعا دەيىن جاقسارتقان ءتۇرىمىز وسى ما؟ نەگە بىزدە مۇگەدەكتىگى بار ادامداردىڭ ماسەلەسىن ايتقاندا ول باياۋ ىسكە اسادى؟ &ndash؛ دەدى ول.