استانادا اەس سالۋعا قاتىستى جيىن ءوتتى

استانا قالاسى قالالىق ورتا ساپاسى جانە باقىلاۋ باسقارماسىنىڭ ۇيىمداستىرۋىمەن ەلوردا قۇرىلىسشىلارىنا اەس سالۋ ماسەلەسىنە وراي كەزدەسۋ ءوتتى.

جيىنعا استانا قالالىق ءماسليحاتىنىڭ دەپۋتاتى, №5 ەمحانا ديرەكتورى التىنشاش تابۋلدينا, "amanat" پارتياسى سارىارقا اۋداندىق فيليالىنىڭ اتقارۋشى حاتشىسى اردان ارالباي جانە قوعام بەلسەندىسى, زاڭگەر نۇرسۇلتان ورىنبەكوۆ قاتىستى.

كەزدەسۋگە كەلگەن سپيكەرلەر رەفەرەندۋم مەن اەس سالۋ ماڭىزدىلىعى تۋرالى ويلارىمەن ءبولىستى. ەلورداداعى ءبىرقاتار قۇرىلىس كومپانياسىنىڭ وكىلدەرى اەس تۋرالى بارلىق جەردە ۇعىنىقتى جانە كەرەكتى اقپاراتتار جەتكىلىكتى تۇردە بەرىلسە بۇل ماسەلەگە قۇرىلىسشىلار دا, جالپى حالىق تا قارسى بولمايتىنىن جەتكىزدى. اسىرەسە, ءقازىر تەلەارنالار كورۋدەن گورى راديونى تىڭدايتىندار كوپتىگىن ايتقان ولار باق-تىڭ وسى تۇرىنەن مازمۇندى, دايەكتى دەرەكتەر ايتىلسا دەگەن ويىن ءبىلدىردى. ؛

&ndash؛ اەس سالۋ بويىنشا رەفەرەندۋمدا وڭ شەشىم قابىلداپ, كەلەر ۇرپاق الدىندا ءجۇزىمىز جارقىن بولاتىنداي ارەكەت ەتۋىمىز كەرەك. سەبەبى اتوم ەلەكتر ستانساسىن سالۋ ارقىلى ەلەكتر ەنەرگياسىن ءبىز بىرەۋدەن الماي, ءوزىمىز وندىرەمىز. ونى سالۋعا جانە جۇمىسىن جۇرگىزۋگە ءبىزدىڭ الەۋەتىمىز جەتەدى. اەس سالۋ بىزگە نە ءۇشىن كەرەك؟ بىرىنشىدەن, ءبىزدىڭ ەلىمىز ۋران وندىرۋدەن العاشقى ورىندا, ال بارلاۋ جۇرگىزىلگەن تابيعي ۋران قورى بويىنشا 2-ورىن الامىز. يادرولىق وتىننىڭ كومپونەنتتەرىن وزىمىزدە وندىرەمىز. سونىمەن قاتار قولدانىستاعى جىلۋ ستانسالارىنىڭ باسىم بولىگى 70 پايىز توزعان, &mdash؛ دەيدى نۇرسۇلتان ورىنبەكوۆ.

كەزدەسۋ سوڭىندا بارلىق قاتىسۋشىلارعا اەس تۋرالى مالىمەتتەر جازىلعان بروشيۋرالار تاراتىلدى.