رەسەي قازاقستاننان بيداي اكەلۋگە رەسمي تۇردە تىيىم سالدى

مالىمەتتەرگە سەنسەك, تاۋارلاردى رەسەي اۋماعى ارقىلى ترانزيتپەن تاسىمالداۋعا رۇقسات ەتىلگەن. ءبىراق ول ءۇشىن تاۋارلارعا ؛سوڭعى ەلگە جىبەرىلەتىن فيتوسانيتارلىق سەرتيفيكاتتى راسىمدەۋ قاجەت جانە استىقتى ۆاگوننان تىكەلەي كەمە تريۋمدەرىنە تيەۋ ؛كەرەك.

قازاقستاننان قىزاناق, بۇرىش, كۇنباعىس تۇقىمدارى مەن قاۋىنداردى تىكەلەي ترانزيتپەن جەتكىزۋگە دە تولىقتاي تىيىم سالىنعان.

16 قازاندا ءماجىلىس دەپۋتاتتارى رەسەيدىڭ وسىنداي شارالارى 25 ميلليون توننا استىقتىڭ بۇزىلۋىنا الىپ كەلۋى مۇمكىن ەكەنىن اتاپ ءوتتى. سونىمەن قاتار حالىقارالىق كەلىسىمدەردىڭ بۇزىلۋىنا نازار اۋداردى. پارلامەنت مۇشەلەرى بۇل ماسەلەگە قاتىستى ۇكىمەتكە بىرنەشە ۇسىنىسپەن حات جولدادى.

وسى رەتتە ءماجىلىس دەپۋتاتى ايداربەك قوجانازاروۆ وتاندىق استىقتىڭ ەكسپورتى ءۇشىن رەسەيدەن باسقا لوگيستيكالىق باعىتتى ىسكە قوسۋدى ۇسىندى.

"2024 جىلدىڭ 23 قىركۇيەگىنەن باستاپ رەسەي فەدەراسياسى قازاقستاننىڭ استىعى مەن اۋىلشارۋاشىلىعى ونىمدەرىنىڭ رەسەي اۋماعى ارقىلى وتۋىنە ءبىرجاقتى شەكتەۋلەر ەنگىزدى. وسى تەرىس شەشىمنىڭ ناتيجەسىندە استىققا, ءدان ونىمدەرىنە, كۇنباعىس تۇقىمىنا, قىزاناق, بۇرىش جانە باسقا دا ونىمدەرگە فيتوسانيتارلىق سەرتيفيكات بەرۋ توقتاتىلدى. حالىقارالىق كەلىسىمدەر جايىنا قالدى. ناتيجەسىندە وسىنداي كەدەرگىلەر ءبىزدىڭ ەلدىڭ اۋىلشارۋاشىلىعى سالاسىنا, جالپىلاي العاندا ەكونوميكامىزعا سالماق سالىپ وتىر. قازاقستاندىق ەكسپورتتاۋشىلار ۇلكەن ؛شىعىنعا ۇشىرادى, ۆاگوندار توقتاپ قالدى, ونىمدەردى جەتكىزۋ مەرزىمى ءوتىپ جاتىر", &ndash؛ ؛دەدى دەپۋتات.