yessenov university قىزمەتكەرلەرى اەس قۇرىلىسىن تالقىلادى

اقتاۋدا اەس قۇرىلىسىن قولداۋ جونىندەگى شتاب مۇشەلەرى yessenov university قىزمەتكەرلەرىمەن كەزدەسىپ, رەفەرەندۋم, اتوم ەلەكتر ستانسياسىنىڭ بولاشاعى, عىلىم مەن ءبىلىم جايلى پىكىر الماستى.

قازىرگى تاڭدا ەلدە وندىرىلەتىن بارلىق ەلەكتر ەنەرگياسىنىڭ شامامەن 70%-ى كومىر ەلەكتر ستانسيالارىنا تاۋەلدى. الايدا, جۇمىس ىستەپ تۇرعان ستانسيالار جىل وتكەن سايىن توزىپ, ىستەن شىعۋدا. بۇل ءوز كەزەگىندە ەلەكتر ەنەرگياسىنىڭ تاپشىلىعىنا اكەپ سوعۋى مۇمكىن. سونىمەن قاتار ەلدىڭ ەكونوميكاسى مەن ەكولوگياسى ءۇشىن دە اسا ءقاۋىپتى.

شتاب مۇشەلەرىنىڭ ايتۋىنشا, ەلدىڭ ەنەرگەتيكالىق تۇراقتىلىعىن ساقتاپ, ءتۇرلى سالادا توپ باستاۋىمىز ءۇشىن اەس بوي كوتەرۋى كەرەك. ال اەس قىزمەتى مەن سالىنۋىنا, ەل ازاماتتارىن تۇراقتى جۇمىسپەن قامتۋعا مەملەكەت قاۋقارلى ەكەنىن العا تارتتى.

- حالىق اەس-نىڭ بولاشاعىنا, وندا جۇمىس ىستەيتىن جاستاردىڭ ءبىلىم, بىلىكتىلىگىنە, قۇرىلىس جۇمىستارىنا الاڭداۋلى. سەنىمسىزدىكتى سەيىلتۋ ءۇشىن ايتا كەتەيىك, ءقازىر ەلدە ەكى ءىرى عىلىمي-زەرتتەۋ ۇيىمى بار. ونىڭ ءبىرى كۋرچاتوۆ قالاسىنداعى ۇلتتىق يادرولىق ورتالىعى جانە الماتىداعى يادرولىق فيزيكا ينستيتۋتى. ولار اتوم ەلەكتر ستانسيالارىن قۇرۋ پروسەسىن عىلىمي-تەحنيكالىق قامتاماسىز ەتۋ قىزمەتىن اتقارادى. وسى ەكى ۇيىمنىڭ بازاسىندا يگر, يۆگ.1م جانە ۆۆر-ك عىلىمي-زەرتتەۋ يادرولىق رەاكتورلارىنىڭ ىسكە قوسىلۋى ارقىلى قازاقستانعا عىلىمي تاجىريبەلەر جۇرگىزۋگە, سونداي-اق يادرولىق فيزيكا ادىستەرىن ەكونوميكانىڭ ءارتۇرلى سالالارىنا ەنگىزۋگە مۇمكىندىكتەر اشىلدى. قازىرگى ۋاقىتتا ۇلتتىق يادرولىق ورتالىق اتوم سالاسىنا كادرلار دايارلاۋ ماسەلەسىنە كوڭىل ءبولىنىپ جاتىر. ەلىمىزدەگى ىرگەلى جوو-دا كادرلار دايارلاۋ باعىتىندا ىنتىماقتاستىق جۇرگىزىلۋدە. سونىمەن قاتار يادرولىق فيزيكا ينستيتۋتىندا رادياسيالىق قاۋىپسىزدىك, باقىلاۋدىڭ بۇزبايتىن ءادىسى جانە يادرولىق قاۋىپسىزدىك باعىتتارى بويىنشا وقۋ ورتالىقتارى جۇمىس ىستەپ تۇر, - دەدى شتاب مۇشەسى بەرىك احمەتوۆ.

ەگەر حالىق اەس سالۋدى قولداسا, وندا قۇرىلىس حالىقارالىق ماگاتە ستاندارتىمەن جانە ساراپشىلارىنىڭ باقىلاۋىمەن سالىناتىنىن ءتۇسىندىردى.

شارا سوڭىندا ۋنيۆەرسيتەت ۇجىمى اەس-نىڭ ەكولوگياعا, ناقتىلاساق بالقاش كولىنە اسەرى, ەكونوميكالىق تيىمدىلىگى بويىنشا سۇراقتارىن قويىپ, تولىققاندى ؛جاۋاپ ؛الدى.