قازاقستان مەن رەسەي: «بايتەرەك» زىمىران كەشەنىن قۇرۋ بارىسىن تالقىلادى

جيىندا «؛بايقوڭىر»؛ كەشەنىنىڭ نەگىزگى ماسەلەلەرى تالقىلانىپ, تاراپتار بىرلەسكەن «؛بايتەرەك»؛ عارىش زىمىران كەشەنىن قۇرۋ جوباسىنىڭ ورىندالۋ بارىسىنا ەرەكشە نازار اۋداردى. ولار جوبانى جۇزەگە اسىرۋ جۇمىستارى بۇرىن قول جەتكىزىلگەن كەلىسىمدەر مەن جاسالعان شارتتارعا سايكەس جۇرگىزىلىپ جاتقانىن اتادى.

سونداي-اق كەزدەسۋدە قازاقستاندىق تاراپقا جەرۇستى ينفراقۇرىلىمىن قۇرۋ مەن «؛بايتەرەك»؛ عارىش زىمىران كەشەنىن جاڭعىرتۋ جاۋاپكەرشىلىگى جۇكتەلگەن جوبانى ىسكە اسىرۋدى جالعاستىرۋ بويىنشا ودان ءارى بىرلەسكەن ءىس-قيمىلدار ءتارتىبى كەلىسىلدى.

ودان بولەك, تاراپتار ەكىجاقتى ىنتىماقتاستىقتىڭ وزەكتى ماسەلەلەرىن جانە بايقوڭىر قالاسىن دامىتۋ پەرسپەكتيۆالارىن تالقىلادى. اتاپ ايتقاندا, قازاقستان رەسپۋبليكاسى ازاماتتارىنا بايقوڭىر قالاسىنا كىرۋگە/شىعۋعا رۇقساتتاردى ەلەكتروندى تۇردە بەرۋ ماسەلەسى تالقىلاندى.

كەزدەسۋ قورىتىندىسى بويىنشا ەكى جاق «؛بايقوڭىر»؛ كەشەنى ينفراقۇرىلىمىنىڭ الەۋمەتتىك-مادەني الەۋەتىن ءتيىمدى پايدالانۋ جانە دامىتۋ ماقساتىندا ءوزارا ءىس-قيمىلدى جالعاستىرۋدى كەلىستى.