ەلىمىزدىڭ بىرنەشە وڭىرىندە قۇرىلعان قىلمىستىق توپتار ۇستالدى

جاقىندا عانا ءىىم ۇيىمداسقان قىلمىسقا قارسى كۇرەس دەپارتامەنتى شىمكەنت جانە پاۆلودار قالالارىندا وسىنداي ەكى توپتىڭ ۇستالعانى تۋرالى حابارلاعان بولاتىن. كۇدىكتىلەر قاماۋعا الىنىپ, تەرگەۋ جۇرگىزىلىپ جاتىر.

 ؛&ndash؛ بيىل قاڭتار ايىندا باسقا دا ءبىرقاتار وڭىردە وسىنداي ۇستاۋلار جۇرگىزىلدى. ماسەلەن, شىمكەنتتە جەدەل اقپاراتتى تەكسەرۋ بارىسىندا ۋنيۆەرسيتەتتەردىڭ بىرىنەن ءۇش ستۋدەنتتى ۇرلاۋ فاكتىسى انىقتالدى. تەكسەرىس بارىسىندا 20 جاستاعى التى جىگىت كريميناليتەت وكىلىنىڭ ىقپالىنا ءتۇسىپ, بىرنەشە بوپسالاۋ جانە وزگە دە قىلمىستار جاساعانى انىقتالدى. ءبىر ەپيزودتا ولار ءۇش ستۋدەنتتى اۆتوكولىككە وتىرعىزىپ, قالانىڭ سىرتىنا اپارعان, وندا ولار كۇش كورسەتىپ, موبيلدىك قوسىمشا ارقىلى ونلاين-نەسيە رەسىمدەتكەن جانە 700 مىڭ تەڭگەنى تارتىپ العان. توپتىڭ بارلىق قاتىسۋشىلارى ۇستالدى.

الماتى وبلىسىندا 23 جاسقا دەيىنگى ءۇش تۇرعىننان تۇراتىن توپ ۇستالدى, ولار 2005 جىلى تۋعان قىزبەن كەلىسە وتىرىپ, ادامداردى الداپ پاتەرگە اپارىپ وتىرعان. وندا ولار جابىرلەنۋشىلەردى كۇش كورسەتەمىز دەپ قورقىتىپ, اقشا بوپسالاعان. كۇدىكتىلەر ۇستالىپ, سوتتىڭ سانكسياسىمەن قاماۋعا الىندى.

پاۆلودار وبلىسىنىڭ اقسۋ قالاسىندا بوپسالاۋ جانە الاياقتىق قىلمىستار جاساعانى ءۇشىن جاستار توبى ۇستالدى, ونىڭ قاتىسۋشىلارى قورقىتۋ جانە الداۋ ارقىلى جابىرلەنۋشىلەردى نەسيە رەسىمدەۋگە ماجبۇرلەگەن, كەيىننەن اقشا مەن تاۋارلاردى يەمدەنگەن. كۇدىكتىلەر ۇستالىپ, قاماۋعا الىندى.

اقمولا وبلىسىندا جاستار توبىنىڭ ەكى مۇشەسى بۇرىن جەرگىلىكتى تۇرعىننان جارتى ميلليون تەڭگە بوپسالاعانى انىقتالدى. كۇدىكتىلەردىڭ ءبىرى 2005 جىلى تۋعان جانە ۇقساس قىلمىستار جاساعانى ءۇشىن جازاسىن وتەپ جاتىر. ەكىنشى كۇدىكتى قاماۋعا الىنىپ, تەرگەۋ جۇرگىزىلۋدە.

اباي وبلىسىندا ستۋدەنتتەردى قورقىتۋ ارقىلى اقشا بوپسالاۋمەن اينالىسقان سەمەيلىك جاس تۇرعىنداردان قۇرالعان توپتىڭ قىلمىستىق ارەكەتى انىقتالدى. جابىرلەنۋشىلەردىڭ ءبىرى &ndash؛ جەرگىلىكتى ۇنيۆەرسيتەتتىڭ ەكىنشى كۋرس ستۋدەنتى, وتكەن جىلدىڭ تامىز ايىنان باستاپ قاسكويلەرگە 700 مىڭنان استام تەڭگە بەرگەن. كۇدىكتى قاماۋعا الىندى.

اتىراۋدا جاستار توبىنىڭ مۇشەسىنە قاتىستى جەدەل اقپاراتتى تەكسەرۋ ناتيجەلەرى بويىنشا ەكى شولاق مىلتىق جانە ءارتۇرلى كاليبرلى 60 پاترون تاركىلەندى. ول 2005 جىلى تۋعان كوللەدج ستۋدەنتى, &ndash؛ دەدى قر ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.

 ؛جاستار اراسىنداعى قىلمىستىڭ الدىن الۋ ىشكى ىستەر مينيسترلىگى باسشىلىعىنىڭ ەرەكشە باقىلاۋىندا تۇر.