قازاقستاننىڭ اسكەري قىزمەتشىلەرى تاجىكستاننىڭ «حاربمايدون» پوليگونىنا باردى

ىس-شاراعا قازاقستان, قىرعىزستان, رەسەي, تاجىكستان قورعانىس ۆەدومستۆولارىنىڭ وكىلدەرى جانە ۇجىمدىق قاۋىپسىزدىك تۋرالى شارت ۇيىمى بىرىككەن شتابى وفيسەرلەرىنىڭ توبى قاتىسادى.

قازاقستاندىق اسكەري كونتينگەنتتى قارۋلى كۇشتەر باس شتابى جەدەل جوسپارلاۋ دەپارتامەنتى باستىعىنىڭ ورىنباسارى پولكوۆنيك داۋرەن ابدۋلين باسقارۋ ۇستىندە. ونىڭ قۇرامىندا تالدىقورعانداعى دەسانتتىق-شابۋىلداۋ اسكەرلەرى بريگاداسىنىڭ اسكەري قىزمەتشىلەرى مەن ورتالىق اپپاراتتىڭ وفيسەرلەرى بار.

جيىن باسقارۋ ورگاندارىنىڭ جەدەل قۇرامىنىڭ جۇمىسىن ۇيىمداستىرۋدىڭ ءبىرىڭعاي تاسىلدەرىن ازىرلەۋگە, لاۋازىمدى تۇلعالاردىڭ داعدىلارىن جەتىلدىرۋگە, سونداي-اق «؛شەكارا-2024»؛ بىرلەسكەن وقۋ-جاتتىعۋىنىڭ بەلسەندى كەزەڭىندە ورتالىق ازيا وڭىرلەرىندەگى جەدەل ورىستەتۋ ۇجىمدىق كۇشتەرىنىڭ باسشىلىعى مەن شتابىن ۇيلەستىرۋگە باعىتتالعان. ؛

ىس-شاراعا قاتىسۋشىلار ورتالىق ازيا وڭىرىندەگى قاۋىپ-قاتەرلەر مەن سىن-تەگەۋرىندەردى تالداۋمەن تانىستى. ولارعا اۋە شابۋىلىنا قارسى قورعانىس, راديوەلەكتروندىق كۇرەس, ۇۇا جانە ولارعا قارسى ءىس-قيمىل كۇش-قۇرالدارىن قولدانا وتىرىپ, جاۋىنگەرلىك ءىس-قيمىلدى ۇيىمداستىرۋ جانە جۇرگىزۋ بويىنشا پراكتيكالىق ۇسىنىمدار بەرىلدى. قولباسشىلىق وفيسەرلەرى سونداي-اق باسقارۋ قۇرالدارىنىڭ دامۋ ۇردىستەرىمەن, ينجەنەرلىك اسكەرلەردىڭ, رحبق بولىمشەلەرىنىڭ كۇش-قۇرالدارىن قولدانۋ ەرەكشەلىكتەرىمەن, ءواو جوۇك تەحنيكالىق جانە تىلدىق قامتاماسىز ەتۋدى ۇيىمداستىرۋمەن تانىستى.

16 قازاندا شتابتىق جاتتىعۋ وتەدى, ونىڭ بارىسىندا قولباسشىلىق پەن شتاب وفيسەرلەرى ۇقشۇ-عا مۇشە ەلدىڭ اۋماعىنا باسىپ كىرگەن زاڭسىز قارۋلى قۇرالىمداردى جويۋ بويىنشا ءواو جوۇك جاۋىنگەرلىك ءىس-قيمىلدارىن جوسپارلاۋ جانە دايىنداۋ ماسەلەلەرىن پىسىقتايدى.

ۇقشۇ-نىڭ «؛شەكارا-2024»؛ وقۋ-جاتتىعۋى 17-21 قازان ارالىعىندا وتەدى.