16 قازان, 2024 news وزگەرتۋ

قازاقستاندا الداعى ۋاقىتتا بىرىككەن اراب امىرلىگىنىڭ بانكى اشىلماق

قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى مادينا ءابىلقاسىموۆا قازاقستان نارىعىنا قاي شەتەلدىك بانكتەردىڭ كەلۋى مۇمكىن ەكەنىن ايتتى.

كورنەكى سۋرەت

مادينا ءابىلقاسىموۆانىڭ سوزىنشە, نارىققا شەتەلدىك بانكتەردىڭ كەلۋى ستاۆكانىڭ تومەندەۋىنە, باسەكەنىڭ دامۋىنا الىپ كەلەدى. سونداي-اق ەلدەگى ەكىنشى بانكتەر دە سيفرلاندىرۋ تۇرعىسىنان جوعارى دەڭگەيگە جەتكەنىن ايتادى. ؛

"بانك قىزمەتى, نەسيەلەندىرۋ نارىعىندا باسەكە داميدى دەپ ويلايمىن. باسەكە بار جەردە وڭتايلى جاعداي تۋىندايدى. ءبىزدىڭ بانكتەر دە تۇراقتى. بۇگىندە سيفرلاندىرۋعا قوماقتى قارجى قۇيىپ جاتىر. سوندىقتان شەتەلدىك بانكتەر ەل نارىعىنا كەلسە دە, باسەكەگە تۇسە الادى دەپ ويلايمىن", &ndash؛ دەيدى ول. ؛

اگەنتتىك ءتوراعاسى قازىرگى ۋاقىتتا بىرنەشە ميكروقارجى ۇيىمىنىڭ ەكىنشى دەڭگەيلى بانككە اينالۋ پروسەسىنەن ءوتىپ جاتقانىن ايتتى. بۇدان بولەك ەلدەگى "يسلام بانكىنە" يەلىك ەتەتىن ؛

"bnk finance&rdquo؛ وڭتۇستىككورەيالىق كومپانياسى بانك ليسەنزياسىن الىپ جاتىر. سونىمەن قاتار bereke ءbank-تى ساتىپ الۋ ارقىلى كاتارلىق ينۆەستور ءبىزدىڭ نارىققا ەندى. ال بىرىككەن اراب امىرلىگىنەن abu dhabi commercial ءbank-تىڭ نارىقتاعى قاتىسۋ ۇلەسىن كەڭەيتۋ بويىنشا ۇلكەن جۇمىستار اتقارىلىپ جاتىر. بانك باا-دەگى كولەمى بويىنشا ءۇشىنشى ورىندا تۇر, اكتيۆى 155 ميلليارد دوللار. ولار ەلدەگى يسلام بانكىنە يەلىك ەتەدى. الداعى ۋاقىتتا امبەباپ بانك قىزمەتتەرىن ۇسىنۋ بويىنشا رۇقسات الماق", &ndash؛ دەدى مادينا ءابىلقاسىموۆا. ؛

اگەنتتىك ءتوراعاسى ءوز سوزىندە kmf پەن solva ميكروقارجى ۇيىمدارىنىڭ دا بانك ليسەنزياسىن الۋ پروسەسىندە ەكەنىن تىلگە تيەك ەتتى. ؛

"قامشى" سىلتەيدى