04 شىلدە, 2024 news
فوتو: اباي وبلىسى اكىمدىگى
اباي گارنيزونىنىڭ اۋە بازاسىنىڭ ۇشقىشتارى «؛شىعىس»؛ ءتۇرارالىق پوليگونىندا وتكەن الدىڭعى شەپتەگى اۆياسيالىق كوزدەۋشىلەر كۋرسىنا قاتىستى.
سەمەي قالاسىندا ورنالاسقان 54835 اسكەري ءبولىمىنىڭ ۇشقىشتار جەكە قۇرامى نىساناشىلاردىڭ الدىن الا بەرگەن مالىمەتى بويىنشا شارتتى تۇردەگى جاۋدىڭ كوزىن جويۋ جاتتىعۋلارىن وتكىزدى.
54835 اسكەري ءبولىمى كومانديرىنىڭ ورىنباسارى پودپولكوۆنيك مانسۇر نۋرجانوۆتىڭ ايتۋىنشا, مۇنداي جاتتىعۋلار ۇشقىشتاردىڭ ۇشۋ ماشىقتارىن ارتتىرىپ, نىسانانى ءدال كوزدەۋدە شەبەرلىكتەرىن شىڭدايدى.
- وقۋ-جاتتىعۋ جيىنىندا اۋە بازاسىنىڭ جەكە قۇرامى مي-17 تىكۇشاعىمەن ۇشىپ, س-8 زىمىرانىمەن اۋەدەن 2 شاقىرىم قاشىقتىقتان سوققى جاسادى. جاتتىعۋلار باراسىندا ۇشقىشتار وزدەرىنىڭ تاجىريبەلەرىنىڭ جوعارى دەڭگەيدە ەكەنىن كورسەتە ءبىلدى. كوزدەلگەن ماقساتتاردىڭ بارلىعى ورىندالدى, - دەيدى پودپولكوۆنيك مانسۇر نۋرجانوۆ.
«؛استانا»؛ وڭىرلىك قولباسشىلىعى اسكەرلەرىنە قاراستى 31775 اسكەري ءبولىمىنىڭ ۆزۆود كومانديرى لەيتەنانت دياس قالدانوۆتىڭ ايتۋىنشا, تاجىريبە الماسۋداعى نەگىزگى ماقسات جاۋدى الدىن-الا انىقتاپ, ول تۋرالى اقپاراتتى تىكۇشاق ەكيپاجىنا بەرۋ جانە جاۋدى جويۋعا كومەكتەسۋ.
- وقۋ-جاتتىعۋلار جوعارى دەڭگەيدە ءوتتى. الداعى ۋاقىتتا تاجىريبەمىزدى شىڭداي بەرەتىنىمە سەنىمدىمىن. اباي گارنيزونىنداعى اۋە بازاسىنىڭ جەكە قۇرامىنا العىسىمىزدى بىلدىرەمىز, - لەيتەنانت دياس قالدانوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر