جامبىلدىقتار وليمپيادا چەمپيونى ەلدوس سمەتوۆتى زور قۇرمەتپەن قارسى الدى

xxxiii جازعى وليمپيادا ويىندارىنىڭ چەمپيونى, قر ەڭبەك سىڭىرگەن سپورت شەبەرى ەلدوس سمەتوۆتى جامبىل جۇرتشىلىعى تاراز قالاسىنىڭ شىعىس قاقپاسىنان سان-سالتاناتپەن قارسى الدى.

سالتاناتتى شاراعا جامبىل وبلىسىنىڭ اكىمى ەربول قاراشوكەەۆ, ءوڭىر تۇرعىندارى مەن زيالى قاۋىم وكىلدەرى, سپورت جانكۇيەرلەرى, بەلسەندى جاستار قاتىستى.

ەلدوس سمەتوۆ كولىكتەن تۇسكەن بويدا ونەرپازدار اندەرىن اۋەلەتىپ, اق جاۋلىقتى اجەلەر شاشۋىن شاشىپ, ۇلتتىق ءدام ۇسىندى.

جامبىل وبلىسى سپورت ارداگەرلەرى كەڭەسىنىڭ ءتوراعاسى تاۋىربەك قاراۋىلتەگى وليمپيادا چەمپيونىنا اق باتاسىن بەردى.

وبلىس اكىمى ەلدوس سمەتوۆكە بارشا جامبىلدىقتاردىڭ اتىنان العىس ءبىلدىردى.

&ndash؛ ەلىمىزگە, تۋىپ-وسكەن جەرىڭ &ndash؛ جامبىل تورىنە وليمپيادا چەمپيونى بولىپ ورالۋىڭمەن قۇتتىقتايمىن! بۇل جەڭىس &ndash؛ جالپى قازاقستاندىقتاردىڭ, جامبىلدىقتاردىڭ ورتاق قۋانىشى! سەن ناعىز باتىرسىڭ! وزىڭە سەنىم ارتقان مەملەكەت باسشىسىنىڭ, بارشا جانكۇيەرلەردىڭ, جامبىلدىقتاردىڭ ءۇمىتىن اقتادىڭ!

سەنىڭ بۇل جەڭىسىڭ جامبىل وبلىسىنىڭ 85 جىلدىعىنا تاماشا تارتۋ بولدى دەپ بىلەمىن!

وزىن بالا كەزدەن كۇندەلىككە جازىپ, وليمپ شىڭىن باعىندىرۋدى ارماندادىڭ! سول ارمانىڭا ماڭداي تەرىڭمەن جەتە بىلگەن ناعىز ەر ازاماتسىڭ!

كەزىندە قاجىمۇقان اتامىز اتوي سالعان پاريج تورىندە جەڭىسكە جەتىپ, دانقتى سپورتشى جاقسىلىق اعامىزدىڭ ارمانىن 44 جىلدان كەيىن ورىنداي ءبىلدىڭ!

سەنىڭ ەسىمىڭ وليمپيادانىڭ 3 دۇركىن جۇلدەگەرى رەتىندە ەل تاريحىندا قالاتىنى ءسوزسىز!

قاسيەتتى اۋليەاتا توپىراعىنان دارىعان تەكتىلىك, كۇش-جىگەرىڭ سەنى وسىنداي جەتىستىككە جەتەلەدى دەپ ويلايمىن! ءار بەلدەسكەنىڭدە بارشا جانكۇيەرلەرىڭ, اسىرەسە, جەرلەستەرىڭ &ndash؛ جامبىلدىقتار بارىنشا تاقىم قىسىپ, تىلەۋىڭدى تىلەپ وتىردى.

بۇل جەڭىسىڭدە &ndash؛ اتا-اناڭنىڭ, وتباسىڭنىڭ تالىم-تاربيەسى مەن قولداۋى, جاتتىقتىرۋشىلارىڭنىڭ دا زور ەڭبەگى جاتىر. ءبىز سەنى ماقتان تۇتامىز, &mdash؛ دەدى ەربول قاراشوكەەۆ. ؛

ەلدوس سمەتوۆتى قارسى الۋ ءراسىمى ج. جاباەۆ داڭعىلى مەن ى.سۇلەيمەنوۆ كوشەسى بويىنشا كولىكتەردىڭ سالتاناتتى شەرۋىمەن جالعاستى.

جول بويىنداعى جامبىلدىقتار چەمپيونعا زور قۇرمەت, ىستىق ىقىلاستارىن ءبىلدىردى.