الماتى تاسىمالداۋشىلارى قوعامدىق كولىكتە قولما-قول تولەمدى الىپ تاستاۋدى سۇرايدى

 ؛

الماتىنىڭ تاسىمالداۋشىلارى تاعى ءبىر باستاما كوتەردى. جولاۋشىلار تاسىمالى كاسىپورىندارى قاۋىمداستىعىنىڭ حابارلاۋىنشا, اۆتوبۋس پاركتەرى الماتى اكىمدىگىنەن قوعامدىق كولىكتە قولما-قول تولەمدى جويۋدى قاراستىرۋدى سۇرايدى.

نەگىزگى دالەل &ndash؛ جۇرگىزۋشىلەردىڭ قولما-قول اقشا قابىلداۋى ولاردى نەگىزگى قىزمەتتەن الاڭداتادى, بۇل جولاۋشىلاردى تاسىمالداۋ كەزىندە قاۋىپسىزدىكتى قامتاماسىز ەتۋگە تەرىس اسەر ەتەدى. سونىمەن قاتار, كولەڭكەلى ەكونوميكاعا جاعداي جاسايدى, ويتكەنى جۇرگىزۋشىلەردىڭ بيلەت بەرمەي قوياتىنى بار.

«؛تالاپ ت»؛ جشس اۆتوبۋس پاركىنىڭ ديرەكتورى سەرىك جۇمابەكوۆتىڭ ايتۋىنشا, قولما-قول اقشامەن تولەۋدىڭ ۇلەسى از, ءبىراق ۇلكەن ءقاۋىپ تۋعىزادى.

«؛قالا جولدارىنداعى قوزعالىس قيىن, كولىك سانى ارتىپ كەلەدى, سوعان سايكەس قوعامدىق كولىك جۇرگىزۋشىلەرىنە ۇلكەن جاۋاپكەرشىلىك جۇكتەلەدى. جول اقىسىن قابىلداۋ جۇرگىزۋشىلەردى اۆتوبۋستى جۇرگىزۋ سىندى تىكەلەي مىندەتىنەن الاڭداتادى جانە بۇل جولاۋشىلارعا عانا ەمەس, جول قوزعالىسىنىڭ وزگە دە مۇشەلەرىنە ءقاۋىپ توندىرەدى. كەيدە قولما-قول اقشامەن تولەۋ جۇرگىزۋشىنىڭ 2 مينۋتقا دەيىن ۋاقىتىن الادى, سەبەبى قايتارىم تابۋ كەرەك جانە ت.ب. سونداي-اق, جۇرگىزۋشىلەردىڭ قولما-قول اقشا قابىلداۋ كەزىندە جولاۋشىلارمەن جانجال دا ءجيى تۋىندايدى»؛, - دەيدى سەرىك جۇمابەكوۆ.

وز كەزەگىندە «؛neo city trans»؛ جشس اۆتوبۋس پاركىنىڭ ديرەكتورى ەركىن نۇرپەيىسوۆ قولما-قول تولەمگە بايلانىستى تاسىمالداۋشىلار ءتيىستى تابىس تاپپايدى, ناقتى جولاۋشىلار سانىن انىقتاي المايدى دەپ ەسەپتەيدى.

«؛اۆتوبۋستاعى بەينەباقىلاۋ كامەراسىنداعى جازبالارعا مونيتورينگ جۇرگىزۋ جانە جۇرگىزۋشىلەردىڭ جولاقىسىن قولما-قول اقشامەن بەرۋىن انىقتاۋ قاجەت. كەيدە جۇرگىزۋشى قولما-قول اقشا الىپ, جولاۋشىعا بيلەت بەرمەيدى. ءبىراق كۇنى بويى ءار رەيستى كورۋ مۇمكىن ەمەس. مۇنىڭ ءبارى سۋبسيديالاۋ كولەمىنە اسەر ەتەدى, سوندىقتان پارك شىعىنعا ۇشىراۋعا ءماجبۇر. ءبىز تاسىمالداۋشىلار ەكونوميكاسىنىڭ اشىقتىعىن قامتاماسىز ەتەتىن جانە قالادا قوعامدىق كولىكتى دامىتۋ ءۇشىن قولايلى جاعداي جاسايتىن قوعامدىق كولىكتە قولما-قول اقشامەن تولەمدى جويۋ قاجەت دەپ سانايمىز. بۇل ءۇشىن «؛onay»؛ كارتاسى جانە ونىڭ قوسىمشاسى نەمەسە sms ارقىلى تولەۋگە بولادى»؛, - دەدى ول.

الماتى كولىك حولدينگىنىڭ مالىمەتىنشە, بيىل جىل باسىنان بەرى قوعامدىق كولىكتە 183 ملن.ترانزاكسيا جاسالسا, سونىڭ 1,6%-ى عانا قولما-قول اقشامەن تولەنگەن.

قوعامدىق كولىك جۇيەسى دامىعان ەلدەر قولما-قول تولەمنەن الدەقاشان باس تارتقان. مىسالى, نيۋ-يوركتە جولاقىسىن تەك پلاستيكالىق كولىك كارتاسىمەن تولەۋگە بولادى. جاپونيا, شۆەيساريا, كانادا قالالارىندا وسىعان ۇقساس جۇيە قولدانىلادى.