الماتىداعى «تيگروحاۋد» بازارى جاڭعىرتىلعان سوڭ جۇمىس ورنى كوبەيەدى

الماتىداعى «؛تيگروحاۋد»؛ بازارى جاڭعىرتىلعان سوڭ ساتۋشىلار مەن ساتىپ الۋشىلارعا قولايلى جاعداي جاسالادى. الماتىداعى «؛تيگروحاۋد»؛ بازارى جاڭعىرتىلعان سوڭ جۇمىس ورنى كوبەيەدى.

جۇمىس ساپارى جانە حالىقپەن ەسەپتىك كەزدەسۋ بارىسىندا الماتى اكىمى ەربولات دوساەۆ قالانىڭ اۋەزوۆ اۋدانىنداعى «؛تيگروحاۋد»؛ بازارىن جاڭعىرتۋ بارىسىمەن تانىستى.

جاڭعىرتۋ اياسىندا ساتۋشىلار ءۇشىن دە, ساتىپ الۋشىلار ءۇشىن دە قولايلى جاعداي جاسالادى. ءقازىر بولاشاق ەكى قاباتتى ساۋدا ورتالىعىنىڭ ىرگەتاسى قۇيىلىپ جاتىر.

جاڭعىرتۋدان كەيىن جۇمىس ورنىنىڭ سانى 100-دەن 160-قا دەيىن كوبەيەدى.

جوسپارعا سايكەس, ساۋدا نىسانىنا باراتىن جولدارعا اسفالتبەتون, ال كىرەبەرىستەر, الاڭدار مەن جولدارعا تروتۋار پليتاسى توسەلەدى. جوبادا 40 كولىككە ارنالعان تۇراق قاراستىرىلعان. سونداي-اق, زاماناۋي جەلدەتۋ, اۋانى باپتاۋ جانە جارىقتاندىرۋ جۇيەلەرىن ورناتۋ, سانيتارلىق توراپتارعا قولجەتىمدىلىكتى قامتاماسىز ەتۋ, دەمالىس ايماقتارىن جايلاستىرۋ جوسپارلانۋدا. قۇرىلىس-مونتاج جۇمىستارى 2024 جىلدىڭ ءساۋىر ايىندا باستالدى. ول 2025 جىلدىڭ قازان ايىندا اياقتالادى.

ارالاۋ بارىسىندا قالا باسشىسى ەربولات دوساەۆ ىرگەلەس اۋماقتى اباتتاندىرۋ مەن كوگالداندىرۋدى ساپالى ورىنداۋ ماڭىزدى ەكەنىن اتاپ ءوتىپ, اۋەزوۆ اۋدانىنىڭ اكىمىنە قۇرىلىس جۇمىستارىنىڭ ءاربىر كەزەڭىنىڭ ورىندالۋىن باقىلاۋعا الۋدى تاپسىردى.

اكىم پوليسەنتريستىك دامۋ اياسىندا حالىق وسىنداي ساۋدا كەشەندەرىنە قول جەتكىزۋى ءتيىس ەكەنىن اتاپ ءوتتى.

«؛تيگروحاۋد»؛ فيرماسى»؛ جشس باس ديرەكتورى جانار قۇراباەۆا قالا اكىمدىگىنە العىس ايتىپ, اكىمنىڭ ساۋدا ورتالىعىنىڭ شاتىرىن پايدالانۋ جونىندەگى ۇسىنىسى جاڭعىرتۋ جوباسىندا جۇزەگە اساتىنىن اتادى.

«؛تيگروحاۋد»؛ بازارى 1992 جىلى سالىنعان. قۇرىلىس سالىنعان سوڭ جوندەۋ جۇمىستارى تەك 2000 جىلى جۇرگىزىلدى.

بازاردى جاڭعىرتۋ باعدارلاماسى اياسىندا كونتەينەرلەر ورتكە قارسى, سانيتارلىق قاۋىپسىزدىك تالاپتارىنا سايكەس كەلەتىندەي قولايلى جاعداي جاسالىپ, زاماناۋي عيماراتقا اۋىستىرىلادى.

جوباعا سالىنعان جەكە ينۆەستيسيانىڭ جالپى سوماسى 2,4 ملرد. تەڭگەدەن اسادى.

ايتا كەتەتىن نارسە, بۇگىندە الماتىدا ساۋدا قىزمەتىن رەتتەۋ تۋرالى زاڭعا سايكەس 33 بازار جاڭعىرتىلدى, تاعى 9-ى 2025 جىلعا دەيىن جاڭعىرتۋدان وتەدى.