فوتو: اشىق دەرەككوز
بۇگىن كورنەكتى اسكەري باسشى, كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ تۇڭعىش قورعانىس ءمينيسترى جانە ارميا گەنەرالى ساعادات نۇرماعامبەتوۆتىڭ تۋعانىنا 100 جىل تولدى, دەپ حابارلايدى qamshy.kz اقپارات اگەنتتىگى.
الماتىدا گەنەرال تۇرعان ءۇيدىڭ جانىنداعى مەموريالدىق تاقتاعا گۇل شوقتارىن قويۋ ءراسىمى ءوتتى.
سالتاناتتى شاراعا الماتى گارنيزونىنىڭ, دەسانتتىق-شابۋىلداۋ اسكەرلەرىنىڭ اسكەري قىزمەتشىلەرى, اسكەري جوعارى وقۋ ورىندارىنىڭ كۋرسانتتارى, قازاقستان قارۋلى كۇشتەرىنىڭ ارداگەرلەرى, اكىمدىك, جەرگىلىكتى اسكەري باسقارۋ ورگاندارىنىڭ, اسكەري-وقۋ ورىندارىنىڭ وكىلدەرى, ينتەرناسيوناليست-جاۋىنگەرلەر قاتىستى. بارلىعى باتىردى قۇرمەتتەۋگە جانە ەسكەرتكىش تاقتاعا گۇل شوقتارىن قويۋعا كەلدى.
ىس-شارا ساعادات نۇرماعامبەتوۆتى ەسكە الۋعا ارنالعان ءبىر مينۋتتىق ۇنسىزدىكپەن باستالدى. وتستاۆكاداعى گەنەرال-مايور پاۆەل نوۆيكوۆ ءسوز سويلەپ, گەنەرالدىڭ ەل قارۋلى كۇشتەرىنىڭ دامۋىنا قوسقان زور ۇلەسىن اتاپ ءوتتى:
"ساعادات قوجاحمەتۇلى ءوزىن تولىعىمەن وتانعا قىزمەت ەتۋگە ارناعان ادام ەدى. ول ءارقاشان باسقالارعا ۇلگى بولدى, ەل ءۇشىن قيىن ۋاقىتتا ارميانى باسقارا وتىرىپ, قازاقستاننىڭ قازىرگى زامانعى قارۋلى كۇشتەرىنىڭ نەگىزىن قالادى. ونىڭ جوعارى بەدەلى اسكەري ءتارتىپتى نىعايتۋعا جانە اسكەري الەۋەتتى ساقتاۋعا كومەكتەستى", - دەدى ول.
قازاقستاننىڭ ءبىرىنشى قورعانىس ءمينيسترىنىڭ ارىپتەستەرى مەن تاربيەلەنۋشىلەرى ونىڭ قازاقستان قارۋلى كۇشتەرىنىڭ وفيسەرلەر كورپۋسىن قالىپتاستىرۋعا قوسقان ۇلەسىن اتاپ ءوتىپ, ونىڭ ءومىر جولىن ەسكە الدى. ساعادات قوجاحمەتۇلىنىڭ ءوز حالقىنا ۇلگىلى قىزمەتى, ونىڭيزمىگى مەن باتىلدىعى, قارۋلى كۇشتەردىڭ دامۋىنا قوسقان باعا جەتپەس ۇلەسى قازاقستاندىق جاستاردى شابىتتاندىرىپ, ءپاتريوتيزمنىڭ ۇلگىسى رەتىندە قىزمەت ەتۋدى جالعاستىرۋدا.
بۇل كۇنى حالىق باتىرىن ساعادات نۇرماعامبەتوۆ اتىنداعى قۇرلىق اسكەرلەرىنىڭ اسكەري ينستيتۋتىندا دا ەسكە الدى. وقۋ ورنىندا ەستەلىك ءراسىم ءوتتى, وندا كوماندالىق, پروفەسسورلىق-وقىتۋشىلار قۇرامى مەن كۋرسانتتار ۇلى گەنەرالدىڭ ەسكەرتكىشىنە گۇل شوقتارىن قويدى.
ساعادات قوجاحمەتۇلى نۇرماعامبەتوۆ تاۋەلسىز قازاقستاننىڭ قالىپتاسۋى مەن دامۋىنا باعا جەتپەس ۇلەس قوسقان كورنەكتى اسكەري كوشباسشى رەتىندە قازاقستان تاريحىندا ماڭگى قالادى. ونىڭ جادى بارلىق قازاقستاندىقتاردىڭ جۇرەگىندە ءومىر ءسۇرىپ, وتانعا دەگەن پرەدىگى مەن ادالدىعىنا شابىتتاندىرادى.
25 مامىردا اقمولا وبلىسى اقكول قالاسىندا ساعادات نۇرماعامبەتوۆتىڭ 100 جىلدىعىنا وراي ەسكەرتكىش پەن سكۆەر اشىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر