قازاقستان حالقىنىڭ سانى قانشا

ۇلتتىق ستاتيستيكا بيۋروسىنىڭ مالىمەتىنشە, 2024 جىلعى 1 قاڭتارداعى جاعداي بويىنشا, قازاقستاندا حالىق سانى 20 033 546 ادامدى قۇرادى, ونىڭ ىشىندە قالا تۇرعىندارى &ndash؛ 12 451 004 ء(وسىم 1,9%), اۋىل تۇرعىندارى &ndash؛ 7 582 542 ادام ء(وسىم 0,3%).

12 اي ىشىندە حالىقتىڭ جالپى ءوسىمى 266 739 ادامدى قۇرادى. ونىڭ ىشىندە تابيعي ءوسىم ەسەبىنەن 257,3 مىڭ ادام, كوشى-قون ەسەبىنەن 9 344 اداممەن تولىقتى.

وڭىرلەر بولىنىسىندە تابيعي ءوسىمنىڭ وڭ ءمانى سقو-دان باسقا بارلىق وڭىردە تىركەلدى, ال كوشى-قوننىڭ وڭ سالدوسى بەس وڭىردە بايقالدى &ndash؛ الماتى جانە ماڭعىستاۋ وبلىستارى مەن استانا, الماتى, شىمكەنت قالالارىندا.

12 ايدا قازاقستاندا 387,9 مىڭ بالا دۇنيەگە كەلدى (2022 ج. &ndash؛ 403,5 مىڭ), ونىڭ ىشىندە 200,3 مىڭى &ndash؛ ۇلدار, 187,6 مىڭى &ndash؛ قىزدار. 1000 ادامعا شاققاندا تۋۋ كوەففيسيەنتى 19,50 قۇرادى. اتالعان كەزەڭدە 130,6 مىڭ ادام قايتىس بولدى, بۇل رەتتە ءولىم-جىتىم كوەففيسيەنتى 1000 ادامعا شاققاندا 6,56 بولدى.

تۋۋدىڭ ەڭ جوعارى دەڭگەيى ماڭعىستاۋ (1000 تۇرعىنعا 26,78 ادام), تۇركىستان (26,11) وبلىستارىندا جانە شىمكەنت قالاسىندا (25,68) بايقالدى.

12 ايدا 1 جاسقا تولماعان 3215 نارەستە قايتىس بولدى, 2022 جىلمەن سالىستىرعاندا نارەستە ءولىمىنىڭ كوەففيسيەنتى تومەندەپ, 1000 تۋىلعانعا 7,69 قۇرادى (2022 جىل &ndash؛ 7,97).

اتالعان كەزەڭدە تىركەلگەن نەكەلەر مەن اجىراسۋلار سانى دا ازايدى. 2023 جىلدىڭ 12 ايىندا 120 مىڭ نەكە تىركەلدى, 2022 جىلمەن سالىستىرعاندا نەكە سانى 5,9% تومەندەدى. نەكە كوەففيسيەنتى 1000 ادامعا 6,07 قۇرادى. سونداي-اق وسى كەزەڭدە 16,7 مىڭ اجىراسۋ تىركەلدى (سوتتىڭ نەكەنى بۇزۋ تۋرالى شەشىمىن ەسەپكە الماعانداعى احات ورگاندارىنىڭ دەرەكتەرى بويىنشا), بۇل دا 2022 جىلعى دەڭگەيدەن 5,3% از. اجىراسۋ كوەففيسيەنتى 1000 ادامعا 0,84 ءقۇرادى.

وڭىرارالىق كوشى-قون بويىنشا وڭ سالدو ەلىمىزدىڭ 3 وڭىرىندە قالىپتاستى: الماتى (38,1 مىڭ ادام), استانا (50 مىڭ ادام) جانە شىمكەنت (3,4 مىڭ ادام) قالالارىندا.

2023 جىلعى قاڭتار-جەلتوقساندا ەلگە سىرتتان كەلگەندەردىڭ سانى 25,3 مىڭ ادامدى, كەتكەندەر سانى 16 مىڭ ادامدى قۇرادى. كوشى-قون سالدوسى 9 344 ادام بولدى. 2022 جىلدىڭ ءتيىستى كەزەڭىمەن سالىستىرعاندا قازاقستانعا كەلگەندەر سانى 46,8%, كەتكەندەر سانى 33,8% ازايدى. ايتا كەتەيىك, كوشى-قون سالدوسى 2011 جىلدان بەرى العاش رەت وڭ ءمان كورسەتىپ وتىر. ؛

نەگىزگى كوشى-قون الماسۋ تمد مەملەكەتتەرى اراسىندا جۇرگەن. تمد ەلدەرىنەن كەلگەندەردىڭ سانى 21,9 مىڭ ادامدى قۇراسا, سول ەلدەرگە تۇراقتى تۇرۋعا كەتكەندەردىڭ سانى 12,4 مىڭ ادامدى قۇرادى.