قاراعاندى وبلىسىندا اۋىل اكىمى قاماۋعا الىندى

«؛قاراعاندى وبلىسى, بۇقار جىراۋ اۋدانى, مۇستافين اۋىلىنىڭ اكىمى قايرات قۇسايىنوۆ 3 اقپاندا ماس كۇيىندە كولىك جۇرگىزىپ, پوليسەيلەردىڭ قولىنا تۇسكەن.

ساراپتاما ورتاشا ماس بولۋ فاكتىسىن تىركەدى»؛, دەپ جازادى «؛ۆەچەرنيايا كاراگاندا»؛ telegram ءارناسى.

بىر قىزىعى, بۇعان دەيىن دە شەندى ماس كۇيىندە ۇستالعان. ول كەزدە, ياعني 2018 جىلى قايرات قۇسايىنوۆ بۇقار جىراۋ اۋدانىنىڭ قۋشوقى اۋىلىنىڭ اكىمى بولىپتى. ماسەلەسى مايشاممەن قارالعاندا سول كەزدەگى ادەپ جونىندەگى كەڭەستە مەملەكەتتىك قىزمەتكەر ءوزىن كوروناۆيرۋس كەزەڭىندەگى سولداتقا تەڭەگەن. ءسويتىپ كارانتيندە اكىم كولىگىمەن شۇعىل كومەكتى قاجەت ەتەتىن اۋىل ادامدارىن اۋدانعا تاسىعانىن ايتىپ, قۇتىلعان. الدىندا وسىلايشا ەسكەرتۋمەن امان قالعان اكىمنىڭ بۇل جولعى تاعدىرى نە بولادى؟ ونى الدا وتەتىن كەزەكتى ادەپ جونىندەگى كەڭەس شەشەدى.

ال اكىمشىلىك سوت اكىمدى كولىك جۇرگىزۋ قۇقىعىنان جەتى جىلعا ايىرىپ, ونى 15 تاۋلىككە قاماۋعا الۋدى بۇيىرعان.