20 قىركۇيەك, 2023 بارلىق ايماقتار
ماڭعىستاۋداعى ۇقك وپەراسياسى: ۇيىمداسقان قىلمىستىق توپ مۇشەلەرى مەن جەتەكشىسى ۇستالدى
ماڭعىستاۋ وبلىسىندا ۇلتتىق قاۋىپسىزدىك كوميتەتى پروكۋراتۋرا جانە پوليسيا ورگاندارىنىڭ اتسالىسۋىمەن بوپسالاۋعا, اۋىر دەنە جاراقاتىن سالۋ مەن زاڭسىز قارۋ ساقتاۋعا كۇدىكتى توپتىڭ جولىن كەستى, - دەپ حابارلايدى qamshy.kz اقپاراتتىق اگەنتتىگى ۇقك باسپاسوز-قىزمەتىنە سىلتەمە جاساپ.
فوتو: ۇقك سايتىنان الىنعان
وپەراسيا كەزىندە كوشباسشىسى مەن 3 قاتىسۋشىسى ۇستالىپ, اتىس قارۋى مەن وق-دارىلەر تاركىلەندى.
قولدا بار دەرەكتەرگە ساي, ولار فيزيكالىق تۇردە ءجابىر كورسەتۋ قاۋپىمەن, وبلىستىق جانە حالىقارالىق جولدارىندا جەكە تاسىمالداۋمەن اينالىساتىن كاسىپكەرلەردەن اقشالاي قاراجاتتار تالاپ ەتكەن.
شابۋىلعا تاپ بولعان جابىرلەنۋشىلەر, ولاردىڭ اراسىندا لاۋازىمدىق مىندەتتەرىن اتقارۋدا بولعان شەكارا قىزمەتىنىڭ اسكەري قىزمەتكەرى انىقتالعان.
سوتتىڭ سانكسياسىمەن قۇرىقتالعان تۇلعالارعا قاماۋدا ۇستاۋ تۇرىندەگى شاراسى قولدانىلدى. جەدەل-تەرگەۋ ءىس-شارالارى جالعاسۋدا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر