17 قازان, 2024 news
جەتىسۋدا بيۋدجەتتەن 74 ميلليون تەڭگە جىمقىرعاندار سوتتالدى
جەتىسۋ وبلىسىندا سارقان اۋدانىنىڭ تكش ءبولىمىنىڭ باسشىسى مەن مەردىگەر ۇيىمنىڭ ديرەكتورى بيۋدجەت اقشاسىن ۇرلاعانى ءۇشىن سوتتالدى.
كورنەكى سۋرەت
سارقان اۋداندىق تۇرعىن ءۇي كوممۋنالدىق شارۋاشىلىعى ءبولىمىنىڭ باسشىسى مەن مەردىگەر ۇيىمنىڭ ديرەكتورى تۋريستتىك وبەكتىلەردەگى سانيتارلىق-گيگيەنالىق توراپتاردى ورناتۋعا ارنالعان 74,7 ملن تەڭگە بيۋدجەت قاراجاتىن جىمقىرعان, - دەلىنگەن پروكۋراتۋرا تاراتقان حابارلامادا.
پروكۋرورلىق تەكسەرىس, وبەكت ىسكە قوسىلماعانىن, ال بولىنگەن قاراجات جۇمسالىپ كەتكەنىن كورسەتتى.
سارقان اۋدانىنىڭ پروكۋراتۋراسىمەن سوتقا دەيىنگى تەرگەپ-تەكسەرۋ باستالىپ, ءىس سوتقا دەيىن جەتكىزىلدى.
سوت ۇكىمىمەن اۋداندىق تۇرعىن ءۇي كوممۋنالدىق شارۋاشىلىعى ءبولىمىنىڭ باسشىسى مەن مەردىگەر ۇيىمنىڭ ديرەكتورى ءتۇرلى مەرزىمدەگى باس بوستاندىعىنان ايىرۋ جازالارىنا سوتتالدى.
سوت ۇكىمى زاڭدى كۇشىنە ەنگەن جوق.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر