16 شىلدە, 2024 news وزگەرتۋ

"؛sim-كارتانىڭ جارامدىلىق مەرزىمى ءبىتتى"؛: اقتوبەلىكتەر 16 ميلليون تەڭگەگە الدانىپ قالعان

اقتوبە وبلىسىنىڭ تۇرعىندارىن بايلانىس وپەراتورلارىنىڭ اتىن جامىلىپ الداپ جاتىر. ولاردى الاياقتار sim-كارتانىڭ مەرزىمى ءوتىپ كەتكەن دەپ سەندىرگەن.

كورنەكى سۋرەت

اقتوبە وبلىسى كريمينالدىق پوليسيا باسقارماسى ءباسپاسوز قىزمەتىنىڭ حابارلاۋىنشا, الاياقتار وزدەرىن ۇيالى بايلانىس وپەراتورلارىنىڭ قىزمەتكەرى رەتىندە كورسەتە باستاعان. اقتوبە تۇرعىندارى سوڭعى كەزدەرى مۇنداي الاياقتىق فاكتىسىمەن پوليسياعا ءجيى حابارلاساتىن بولدى. جابىرلەنۋشىلەرگە كەلتىرىلگەن شىعىن كولەمى بىرنەشە ميلليون تەڭگەدەن اسادى.

"بىرىنشىدەن, الاياقتار وزدەرىن ۇيالى بايلانىس وپەراتورىنىڭ قىزمەتكەرى رەتىندە كورسەتىپ, ءنومىرىنىڭ مەرزىمى ءوتىپ بارا جاتقانىن ايتادى جانە قىزمەت مەرزىمىن ۇزارتۋدى ۇسىنادى. كودتى العاننان كەيىن ولار whatsapp مەسسەندجەرى ارقىلى وزدەرىن قۇزىرلى ورگان قىزمەتكەرلەرىمىز دەپ تانىستىرىپ, وعان الاياق جالعان وپەراتورلار بىرنەشە بانكتەن نەسيە راسىمدەگەنىن حابارلايدى. ؛الاياقتار وزدەرىن ۇلتتىق قاۋىپسىزدىك كوميتەتىنىڭ, پوليسيا نەمەسە بانك قىزمەتكەرىمىز دەپ تانىستىرادى. ؛ولار الاياقتار مەن جالعان وپەراتورلاردىڭ جابىرلەنۋشىنىڭ اتىنا بۇرىن بەرگەن "نەسيەلەرىن" الىپ تاستاۋ ءۇشىن وزدەرىنىڭ اتىنا نەسيە راسىمدەۋگە الداپ سەندىرەدى. بارلىق جاعدايدا جابىرلەنۋشىلەردى اقشانى الاياقتار كورسەتكەن ء"قاۋىپسىز" شوتتارعا اۋدارۋعا كوندىرەدى", - دەيدى وبلىستىق پوليسيا باسقارماسىنىڭ اعا جەدەل ۋاكىلى باقداۋلەت بالمۋرزين.

ماسەلەن, شىلدە ايىندا اقتوبە قالاسىنىڭ تۇرعىنىن ءدال وسىنداي جولمەن 8 ميلليون تەڭگەگە الداپ كەتسە, ەكىنشى اقتوبەلىك الاياقتارعا سەنىپ 3 ميلليون تەڭگەسىن جوعالتقان. تاعى ءبىر سەنگىش قالا تۇرعىنى ءوز اتىنا 5 ميلليون تەڭگەگە جۋىق نەسيە راسىمدەپ, الاياقتارعا اۋدارعان. قاسكۇنەمدەر بۇل قىلمىستىڭ بارلىعىن sim-كارتانىڭ جارامدىلىق مەرزىمى ءوتىپ بارا جاتقانىن ايتىپ قوڭىراۋ شالۋ ارقىلى جاساعان.

"قامشى" سىلتەيدى