ورتەنگەن, تونالعان «اقشىڭ». ء«بىر بۋتيكتىڭ قۇنى پاتەرمەن تەڭ»

سۋىت حاباردى ەستىپ, باستاپقىدا ساۋدا ورنىنا قاراي جۇگىرگەن ساۋداگەرلەردى 300-گە جۋىق پوليسەي كۇتىپ الدى. ولاردى ءورت كەزىندە دە, ورتتەن كەيىن دە وقيعا ورنىنا جىبەرمەدى. ال ساۋ قالعان تاۋارلاردىڭ ءوزى ۇرلانعانى دا ايتىلادى. وسىلايشا اباي وبلىسىندا 2 مىڭ ادام ءبىر تۇندە نارازىلىق بىلدىرۋشىلەر قاتارىنان ءبىر-اق شىقتى. ويتپەسكە امال بار ما؟ بۇل ارادا بيلىك تەك ەكى نارسەنى ۋادە ەتىپ وتىر: نەسيەسى بار ساۋداگەرلەردىڭ اي سايىنعى تولەم مەرزىمىن جارتى جىلعا شەگەرتىپ بەرۋ جانە وزدەرىن جۇمىسسىز رەتىندە تىركەپ, مەملەكەتتەن جاردەماقى تولەۋ. مۇنى قر پرەمەر-مينيسترىنىڭ ورىنباسارى تامارا دۇيسەنوۆا مالىمدەدى. ال ساۋدا ورتالىعى جەرگىلىكتى دەپۋتات مارات قۇرمانبايعا تيەسىلى بولىپ شىقتى. ول ءوزىن دە جاپا شەگۋشى دەپ سانايدى. ونىڭ پىكىرىنشە, عيماراتىنا قاسكويلەر وت قويۋى ىقتيمال.

«؛2023 جىلى قازان ايىندا ءورت سوندىرۋشىلەر كەلىپ تەكسەرىپ, ءوز ۇسىنىستارى مەن تالاپتارىن العا تارتتى. جاڭا جىلعا دەيىن ءبىز ول تالاپتاردى ورىنداعانبىز. سوندىقتان بۇل جاعىنان ماسەلە بولماۋى كەرەك. نەگىزى, مەن 50 ملرد تەڭگە جۇمساعانمىن بۇل بيزنەسكە. ءقازىر بانكتەر الدىندا مەنىڭ 50 ملن تەڭگە بەرەشەك نەسيەم بار. مەن بيزنەسىمدى ساقتاندىرعان جوقپىن»؛, - دەپتى مارات قۇرمانباي جەرگىلىكتى تەلەارناعا بەرگەن سۇقباتىندا.

ول تەك اقپان ايىنا جالداۋ ورنىنا تولەگەن ساۋداگەرلەردىڭ اقشاسىن كەرى قايتاراتىنىن ايتتى.

وسىلايشا شىعىننىڭ ەشكىم وتەمەسىنە كوزى جەتكەن قاۋىم باق الدىندا بىر-بىرلەپ شىعىپ, اششى شىندىقتى ايتا باستادى:

«؛ساۋدا ورتالىعىنىڭ قوجايىنى تاۋارىمنىڭ بارلىق شىعىنىن ءوندىرىپ بەرسىن. بارلىعىمىزدىڭ تالابىمىز وسى! سەبەبى ونىڭ ايتقانىنا وسى كۇنگە دەيىن بارلىعىمىز كونىپ, دەگەنىن ىستەپ كەلدىك. ونداعى ءبىر بۋتيكتىڭ باعاسى ءبىر پاتەردىڭ قۇنىنا تەڭ. سونى دا ساتىپ الدىق قوي. ءبىر ايدىڭ جالداۋ قۇنىن تولەمەدىڭ بە, ادام قۇرلى كورمەيدى, قۋىپ شىعادى ول ارادان. ءوندىرسىن ەندى!»؛, دەيدى ساۋداگەرلەردىڭ ءبىرى اشىنا.

«؛ەشقانداي شىعىندى ءوندىرۋ, وتەماقى دەگەن بولمايدى»؛ دەپ ءبىزدىڭ بەتىمىزگە ايتتى. ويتكەنى «؛اقشىن»؛ - جەكەمەنشىك كورپوراسيا ەكەن دە, ال ساۋداگەرلەر جەكە تۇلعا ەكەن. سوندا قالاي؟ جەكە تۇلعا &ndash؛ ەل ازاماتتارى ەمەس پە؟ بۇل تراگەديا ەمەس پە؟..»؛, دەيدى انار ەسىمدى ساۋداگەر.

«؛جالعىزباستى ايەلمىن. موينىمدا نەسيە بار. ايەلدەردىڭ كيىم-كەشەگىن ساتاتىنمىن. 15 ملن تەڭگەنىڭ زاتى بار بولعان ول ارادا. ءبارى ورتەنىپ كەتتى. ەندى قالاي ءومىر سۇرەمىن, بىلمەيمىن»؛, دەيدى ولەسيا.

«؛قويما مەن سورەدە تۇرعان 410 ملن تەڭگەنىڭ تاۋارى جوعالعان.  ؛التىن سالاتىن جاشىكتەردىڭ ىشىندە ءبارى كۇل بولىپ كەتكەن. ىستىق كۇلدى ەلەۋىشپەن ەلەۋ مۇمكىن بولمادى. سوندىقتان التىن ساتاتىنداردىڭ بارىنە ونى كۇرەكپەن سالىپ, ىشكى ىستەر باسقارماسىنا قويىپ قوياتىندارىن ايتتى»؛, دەيدى باعالى اشەكەي ساتۋشى اقمارال.

«؛التىن بۇيىمدارىم ورنىندا جوق. سەيف ورتەنبەگەن, ال ونىڭ ىشىندەگى التىن بۇيىمدار جوق. ءتىپتى, تەمىردىڭ قىزۋىمەن ورتەنگەن جاعدايدا ورنىندا بالقىپ جاتۋى كەرەك قوي. ونىڭ تۇقىلى دا كورىنبەيدى. اكىم مىرزا, مەنىڭ زاتىم ورتەنگەن جوق, ۇرلانىپ كەتكەن, بۇعان كىم جاۋاپ بەرەدى؟»؛, دەدى ارنايى وتكىزىلگەن جيىندا ساۋداگەردىڭ ءبىرى.

وز كەزەگىندە وبلىس اكىمى نۇرلان ۇرانحاەۆ بۇل ماسەلە پوليسيا قۇزىرەتىنە جاتاتىنىن ايتتى.

ال پوليسيا بۇل ارادا تەك ءبىر باپ &ndash؛ ءورت قاۋىپسىزدىگىن ساقتاماۋ بويىنشا ءىس قوزعاعانى, ازىرگە بەلگىلى. ۇكىمەت بولسا, ماسەلە ءبىزدىڭ نازارىمىزدا دەگەننەن ارى اسا الماۋدا. ورتەنگەن, تونالعان «؛اقشىڭ»؛ ساۋداگەرلەرى ءبارىبىر ءۇمىت ۇزبەي, كەز كەلگەن تاراپتان كومەك كۇتۋدە... ؛