21 قاراشا, 2024 news
قازاقستان حالىقارالىق بانكتەن 272 ملرد تەڭگە قارىز الماق
قارىز 11 جىلعا بەرىلەدى.
كاورنەكى سۋرەت
ەلىمىز حالىقارالىق بانكتەن 272 ملرد تەڭگە قارىز الماق. ءماجىلىس حالىقارالىق قايتا قۇرۋ جانە دامۋ بانكىنەن نەسيە الۋ تۋرالى كەلىسىمدى ماقۇلدادى. ءتيىستى قۇجاتتى ۇكىمەت ازىرلەگەن. قارىز 11 جىلعا بەرىلەدى. ءماجىلىس دەپۋتاتى تاتيانا ساۆەلەۆانىڭ سوزىنشە, ۇكىمەت قوماقتى قاراجاتتى بيۋدجەت تاپشىلىعىن رەتتەپ, ەل ەكونوميكاسىنىڭ تۇراقتىلىعى ءۇشىن الىپ جاتىر.
- اتالعان كەلىسىم 2024 جىلعى 11 قازاندا استانادا جاسالعان. حالىقارالىق قايتا قۇرۋ جانە دامۋ بانكىنىڭ قارىزى قازاقستان رەسپۋبليكاسىنا 84,9 ملرد يەن سوماسىندا بەرىلەدى. ونى وتەۋ مەرزىمى - 11 جىل. قارىز قاراجاتى ەل ەكونوميكاسىنىڭ تۇراقتىلىعىن قولداۋ ءۇشىن تارتىلىپ جاتىر. ءماجىلىستىڭ قارجى جانە بيۋدجەت كوميتەتى وسى زاڭ جوباسى بويىنشا قورىتىندى ازىرلەۋگە دايىن, - دەدى پالاتا دەپۋتاتى تاتيانا ساۆەلەۆا ءماجىلىستىڭ جالپى وتىرىسىندا.
زاڭ جوباسى 2024 جىلعى 18 قاراشادا ۇكىمەت قاۋلىسىمەن ەنگىزىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر