امەريكادان اعاتايىم قوڭىراۋ شالدى

كەمەڭگەر م.ماعاۋين اعامنىڭ الدىنا بارعان بىزدەي ىنىلەرى نەبىر عاجاپ شىنايى, دايەكتى دە مايەكتى اڭگىمەلەرىن ەستىپ, رۋحاني بايىپ, سەڭگىر تاۋدىڭ جوتاسىنا كوتەرىلگەندەي سەرپىلىپ قالاتىنبىز. اعامىزدىڭ العاۋسىز وي-پىكىرىن, اق جاۋىنداي سەلدەتكەن العىس-باتاسىن ۇي-ىشىمىزبەن بىرگە ەستىپ, وسى جولى دا ەڭسەمىز كوتەرىلىپ,مەيمانامىز تاسىپ, وسيەتتى سوزدەرىنەن ومىرىمىزگە تاۋسىلماس ازىق, ساباق العانداي اسەردە بولدىق. قازاقتىڭ ەسكى مۇراسى, تۇرىك حالىقتارىنىڭ ءسالت-داستۇرى تۋرالى زەرتتەۋ باعىتىما اقىل-كەڭەس بەرىپ, تىلەكتەستىگىن ءبىلدىرىپ, الداعى ۋاقىتتا جاسالاتىن شارۋالار مول ەكەندىگىنە دە توقتالدى. ؛جاستايىمنان شىلبىرىمنان ۇستاپ, جەتەككە ەرتىپ, تالىم-تاربيە بەرىپ, جاساندىلىقتان ادا, جاقسى ادام بولۋدى قاعيدات ەتكەن اعاتايىم &ndash؛ ماعان دا, بارشا الاشقا دا ايبىن, تەمىرقازىق. مەنىڭ ءوز باسىمدا الىستا جۇرگەن اقساقالدى قانشا ساعىنسام دا مازالاپ حات جازىپ, قوڭىراۋ شالۋ عادەتىمدە مۇلدە جوق.2014 جىلى اعاتايىم امەريكادان ەلگە كەلگەن ءبىر ساپارىندا, ول كەزدە مەن استانادا ەدىم, ارنايى الماتىدان قوڭىراۋ شالىپ, تىلەك-نيەتىن ءبىلدىرىپ, شىعارماشىلىق جوسپارىن اڭگىمەلەسكەن. سودان بەرى, مىنە, تۋرا 10 جىل جوڭكىلىپ ءوتىپتى. ال م.ماعاۋين اعاتايىم سول كەزدەگى كوزدەگەن جوسپارىن اسىرا ورىنداپ, 26 توم ەڭبەگىن الاشىنا تارتۋ ەتتى, شىڭعىس حان, جوشى حان,سايىپقىران سايىن حان, ەسكى تۇركىلەردىڭ ەلدىك تاريحىن جاڭعىرتتى, كوشپەندى حالىقتاردىڭ تۇتاستىعىن تۋ ەتتى.اعامىز ءوزى دارىپتەگەن جامبىل اتانىڭ جاسىنا كەلسىن, كوپتومدىعى الاشىنا قۇت-تۇمار بولسىن, ماعان سويلەسكەن ءساتىن تيەك ەتىپ دۇعاي سالەم جولداعان تۇرىسبەك ساۋكەتاي, قورعانبەك امانجول سەكىلدى «؛جۇلدىزدىڭ»؛ جامپوزدارى جانە ءاتى-جونىن اتاپ ۇلگەرمەگەن نيەتتەس-تىلەكتەس كوپتەگەن دارىندى ءىنى-قارىنداستارىنا ىستىق سالەمى بار, قابىل الىڭىزدار!