15 قاراشا, 2024 news
توقاەۆ دەكلاراسيا تاپسىرۋعا قاتىستى مالىمدەمە جاسادى
بۇگىن قاسىم-جومارت توقاەۆ اۋىل شارۋاشىلىعى ەڭبەككەرلەرىنىڭ ءبىرىنشى فورۋمىندا ءسوز سويلەپ, ءبىرقاتار ماڭىزدى ماسەلەنى كوتەردى. سولاردىڭ ءبىرى – دەكلاراسيا
كورنەكى سۋرەت
- ؛ ءبىز ادىلەتتى قازاقستاندى قۇرۋ جولىندا ناقتى قادامدار جاساپ جاتىرمىز. بارلىق سالاداعى جۇمىستىڭ اشىق بولۋىنا كوڭىل ءبولىپ وتىرمىز. وسى ورايدا, ازاماتتارىمىزدىڭ تابىسىن جاپپاي دەكلاراسيالاۋدىڭ ءمان-ماڭىزى زور. بۇل تالاپ 2021 جىلدان بەرى بىرتىندەپ ەنگىزىلىپ جاتىر. العاشقى ءۇش كەزەڭدە 4 ميلليوننان استام ادام دەكلاراسيا تاپسىردى. ولاردىڭ قاتارىندا مەملەكەتتىك قىزمەتشىلەر, كۆازيمەملەكەتتىك سەكتورداعى باسشىلار, كاسىپكەرلەر مەن وسى ساناتقا كىرەتىن ازاماتتاردىڭ جۇبايلارى بار, &ndash؛ ؛دەدى مەملەكەت باسشىسى.
توقاەۆتىڭ ايتۋىنشا, كەلەسى جىلى تاعى 8 ميلليونعا جۋىق ادام دەكلاراسيا تاپسىرادى دەپ جوسپارلانىپ وتىر. الايدا, ءبىر ماسەلەنى ەسكەرۋ كەرەك.
«؛جاپپاي دەكلاراسيا تاپسىرۋ تۇجىرىمداماسى وسىدان 14 جىل بۇرىن قابىلدانعان. سودان بەرى ەلىمىزدە سيفرلاندىرۋ ءىسى جانە فينتەح سالاسى قارقىندى دامىپ كەلە جاتىر. ءتۇرلى مەملەكەتتىك مەكەمەگە ورتاق مالىمەتتەر بازاسى پايدا بولدى. قارجى ءارى سالىق باقىلاۋى كۇشەيدى. دەمەك, وسىنداي اۋقىمدى وزگەرىستەردەن كەيىن ءتورتىنشى, ياعني, سوڭعى كەزەڭدە ازاماتتاردى دەكلاراسيا تاپسىرۋعا مىندەتتەۋ قانشالىقتى ورىندى دەگەن سۇراق تۋادى. ۇكىمەت بۇل ماسەلەنى جان-جاقتى پىسىقتاۋى قاجەت»؛, &ndash؛ ؛دەپ تۇيىندەدى ول.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر