21 قاراشا, 2024 news
قاڭعىباس يتتەرگە جىلىنا 450 ملرد تەڭگە, كۇنىنە 1,2 ملرد تەڭگە جۇمسالادى
ەكولوگيا جانە تابيعي رەسۋرستار مينيسترلىگىنىڭ ۆيسە-مينيسترى نۇركەن شاربيەۆ ۇستالعان يتتەرگە جىلىنا 450 ملرد تەڭگەدەي اقشا كەرەگىن ايتتى.
كورنەكى سۋرەت
دەنساۋلىق مينيسترلىگىنىڭ مالىمەتىنشە, 2022 جىلى قاڭعىباس جانۋارلاردىڭ ادامداردى تىستەگەن جاعدايى 22 مىڭ بولسا, 2023 جىلى 50 مىڭداي, ال بيىل ديناميكاعا قاراساق, 50 مىڭنان دا اسىپ تۇسەدى. اكىمدىكتەردەن العان مالىمەتكە سايكەس, وسى وقيعالاردىڭ 65 پايىزىن قاڭعىباس يتتەر قاپقان.
- بىلتىر 247 مىڭ يت ۇستالدى. ولاردى ستيليزاسيالاۋ جانە ۆاكسيناسيالاۋ ءۇشىن جالپى سوماسى 16 ملرد تەڭگە قاجەت. بۇل تەك ءبىر جىلعا. ال ەگەر ولاردى تابيعي ولىمىنە دەيىن كۇتىپ ۇستايتىن بولساق, وندا ءبىر جىلدا ۇستالعان وسى يتتەرگە كۇنىنە 1,2 ملرد تەڭگە, ال جىلىنا 450 ملرد تەڭگە قاجەت بولادى. ال ءبىر ءيتتى كۇتىپ ۇستاۋعا كۇنىنە ورتا ەسەپپەن 5000 تەڭگەدەن كەتەدى, - دەيدى نۇركەن شاربيەۆ.
بۇل 5000 تەڭگەنىڭ ىشىنە ستيليزاسيالاۋ جانە ۆاكسيناسيالاۋ, كۇتىپ ۇستاۋ, تىركەۋ كىرەدى. ءسونداي-اق ؛ماجىلىستىڭ ەكولوگيا ماسەلەلەرى جانە تابيعاتتى پايدالانۋ كوميتەتى جانۋارلارعا جاۋاپكەرشىلىكپەن قاراۋ تۋرالى زاڭ جوباسى بويىنشا دوڭگەلەك ۇستەل وتكىزىپ جاتىر.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر