فوتو: اباي وبلىسى اكىمدىگى
7-9 قاراشا ارالىعىندا قازان قالاسىندا اباي وبلىسىنىڭ مادەنيەت كۇندەرى وتۋدە. شارا ەكى جاقىن حالىقتىڭ ونەرىن, ءسالت-داستۇرىن, جەتىستىكتەرىن ءبىر الاڭدا توعىستىردى. وبلىس اكىمى نۇرلان ۇرانحاەۆ باستاعان اباي وبلىسىنان كەلگەن دەلەگاسيا مادەني تاجىريبە الماسۋ ماقساتىندا تاتارستاننان كەلگەن ارىپتەستەرىمەن كەزدەستى. ساپار اياسىندا دەلەگاسيا قازان قالاسىندا قازاقستان رەسپۋبليكاسى كۇنىنە وراي قازاقتىڭ ۇلى اقىنى اباي قۇنانباەۆتىڭ ەسكەرتكىشىنە گۇل شوقتارىن قويدى.
اباي وبلىسى مەن تاتارستاننىڭ ىنتىماقتاستىعى كەڭ اۋقىمدى ماسەلەلەردى, ەكونوميكالىق جانە مادەني سالانى قامتيدى. سەمەي قالاسىندا تاتار ونەر مەكتەبى جۇمىس ىستەيدى, سونداي-اق تاتاردىڭ ۇلى اقىنى گابدۋللا تۋكايدىڭ ەسكەرتكىشى مەن حالىق باتىرى مۋسا ءدجاليلدىڭ ءبيۋستى بار.
«؛تاتارستان رەسپۋبليكاسى &ndash؛ ءداستۇر مەن قازىرگى زامان, مادەنيەت پەن يننوۆاسيا, بابالار دانالىعى مەن بولاشاققا ۇمتىلىس توعىسقان بىرەگەي مەكەن. اباي ءوڭىرى ءتۇرلى سالالاردا ەكىجاقتى قارىم-قاتىناستاردى دامىتۋ بويىنشا بەلسەندى جۇمىس اتقارۋدا. بىزگە ەرەكشە ميسسيا &ndash؛ تاتارستاننىڭ زاماناۋي جەتىستىكتەرىمەن تانىسۋ جانە ساۋدا-ينۆەستيسيالىق ىنتىماقتاستىقتى دامىتۋ, ويتكەنى وڭىرلەر اراسىنداعى تىعىز دوستىق بايلانىستار تاريحي وتكەنگە, ورتاق سالت-داستۇرگە بايلانىستى»؛, &ndash؛ دەدى وبلىس اكىمى نۇرلان ۇرانحاەۆ.
مادەني كۇندەردىڭ باستى وقيعالارىنىڭ ءبىرى &ndash؛ «؛جيدەباي-بورىلى»؛ قورىق-مۋزەيىنىڭ ۇيىمداستىرۋىمەن قازان كرەملىندە «؛ادامزاتتىڭ ءبارىن ءسۇي باۋىرىم دەپ...»؛ اتتى كورمەنىڭ اشىلۋى بولدى. كورمەدە اباي قۇنانباەۆ, شاكارىم قۇدايبەردىۇلى جانە مۇحتار اۋەزوۆ سىندى قازاق مادەنيەتىنىڭ ۇلى تۇلعالارىمەن بايلانىستى بىرەگەي جادىگەرلەر توپتاستىرىلعان.
مادەني كۇندەر كەنجەگۇل اقشەكينانىڭ جەتەكشىلىگىمەن اباي وبلىسى اكىمىنىڭ ەسترادالىق-سيمفونيالىق وركەسترىنىڭ ونەرىمەن دە ەرەكشەلەندى. س.سايد-گاليەۆ اتىنداعى مادەنيەت سارايىندا وتكەن كونسەرتتە قازاق, ورىس جانە تاتار تىلدەرىندە ۇسىنىلعان قازاق جانە تاتار مۋزىكاسىنىڭ تۋىندىلارى ورىندالدى. كونسەرتكە ماپرۋزا ۋتۋلەنوۆا مەن ەرلان رىسقالي سىندى قازاقستاننىڭ ەڭبەك سىڭىرگەن مادەنيەت قايراتكەرلەرى, ءانشى تولەگەن راحىمباەۆ جانە باسقا دا ونەر قايراتكەرلەرى قاتىستى. سونىمەن قاتار, گالياسگار كامال اتىنداعى تاتار مەملەكەتتىك اكادەميالىق تەاترىندا امىرە قاشاۋباەۆ اتىنداعى مەملەكەتتىك فيلارمونيانىڭ ۇيىمداستىرۋىمەن مەرەكەلىك كونسەرت ءوتتى. نۇرلان توكەيدىڭ جەتەكشىلىگىمەن قازاق حالىق اسپاپتار وركەسترىنىڭ ورىنداۋىنداعى باعدارلامادا لاتيف حاميدي, احمەت جۇبانوۆ جانە نۇرعيسا تىلەنديەۆ سىندى قازاق كومپوزيتورلارىنىڭ شىعارمالارى ورىندالدى.
سونىمەن قاتار, مادەنيەت كۇندەرى اياسىندا كىتاپ كورمەلەرى, قازاق تىلىنەن شەبەرلىك سىنىپتارى جانە باسقا دا ءىس-شارالار وتكىزىلدى. قازاقستان مەن تاتارستان مادەنيەتارالىق ءوزارا ءىس-قيمىلدىڭ جارقىن ۇلگىسى بولىپ, مادەني بايلانىستى نىعايتۋدى جالعاستىرادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر