ونەردەن سپورتقا دەيىن: استانادا ستۋدەنتتەر فەستيۆالىنىڭ جەڭىمپازدارى انىقتالدى

ەلوردادا jastar jalyny-2024 ستۋدەنتتىك شىعارماشىلىق-سپورتتىق فەستيۆالىنىڭ قورىتىندىسى شىعارىلدى. حالىقارالىق ستۋدەنتتەر كۇنى قارساڭىندا جەڭىمپازداردى ماراپاتتاۋ ءراسىمى ءوتتى, دەپ حابارلايدى استانا اكىمدىگىنىڭ رەسمي سايتى.

فەستيۆالدىڭ ماقساتى جاستاردىڭ شىعارماشىلىق الەۋەتىن اشۋ جانە دارىندى ستۋدەنتتەر مەن ۇجىمداردىڭ دامۋىنا جاعداي جاساۋ بولدى.

ىس-شارا بارىسىندا ستۋدەنتتەر سپورت پەن ونەردەگى جەتىستىكتەرىن كورسەتىپ قانا قويماي, كوماندادا جۇمىس ىستەۋگە, ءوز ويىن بىلدىرۋگە جانە كوشباسشىلىق قاسيەتتەرىن كورسەتۋگە ۇيرەندى.

"ستۋدەنتتىك ءومىر &ndash؛ بۇل ماڭگى ەستە قالاتىن ۋاقىت, ونى ۇمىتۋ مۇمكىن ەمەس. جاستار &ndash؛ قوعامنىڭ قوزعاۋشى كۇشى, ودان ءارى دامۋدىڭ نەگىزى جانە ءار ەلدىڭ بولاشاعى. بۇگىنگى تاڭدا ەلوردادا قالامىزدىڭ دامۋىنا ۇلەس قوسىپ, بولاشاعىمىزدى قامتاماسىز ەتەتىن 450 مىڭ جاس تۇرادى. قۇرمەتتى جاستار, سىزدەردى مەرەكەلەرىڭىزبەن قۇتتىقتايمىن! جارقىن ەستەلىكتەرگە تولى جاستىق سىزدەرگە تەك جەتىستىكتەر مەن قۋانىشتى ساتكە تولى بولسىن", - دەدى فەستيۆال جەڭىمپازدارىن قۇتتىقتاعان استانا قالاسى اكىمىنىڭ ورىنباسارى ەسەت بايكەن.

كونكۋرستىق باعدارلاماعا ەلوردانىڭ 15 جوو-نىڭ 100 مىڭعا جۋىق ستۋدەنتى قاتىستى.

فەستيۆال قاتىسۋشىلارىن كاسىبي مادەنيەت, ونەر جانە سپورت قايراتكەرلەرى, سونداي-اق بەلگىلى ارتىستەر, حورەوگرافتار مەن ۆيدەوگرافتار باعالادى.

ستۋدەنتتەر فۋتبول, ۆولەيبول, شاحمات, ۇستەل تەننيسى, ەسترادا, دومبىرا, ۇلتتىق جانە زاماناۋي بي, تەاتر جانە موبيلوگرافيا سياقتى ونەر جانە سپورت تۇرلەرى بويىنشا باق سىناستى.

"جەڭىس جاقسى دايىندىق پەن ءوز قابىلەتتەرىنە دەگەن سەنىمدىلىكتىڭ ناتيجەسى بولدى. فەستيۆالدە جاڭا ادامدارمەن ارالاسۋ مەنى شابىتتاندىردى. ستۋدەنتتەردىڭ شاحماتقا قىزىعۋشىلىق تانىتىپ, وزدەرىنە قولداۋ كورسەتىپ جاتقانىن كورۋ قۋانىش پەن موتيۆاسيا بەرەدى", - دەدى الەم چەمپيونى, قازاقستان مەن ازيانىڭ بىرنەشە دۇركىن چەمپيونى, قازاقستان ايەلدەر قۇراماسى قۇراماسىنداعى وليمپيادانىڭ كۇمىس جۇلدەگەرى, دەنە شىنىقتىرۋ جانە بۇقارالىق سپورت اكادەمياسىنىڭ ستۋدەنتى مەرۋەرت كاماليدەنوۆا.

گران-پري بارلىق نوميناسيالاردىڭ قورىتىندىسى بويىنشا ەڭ كوپ بالل جيناعان قازاق ۇلتتىق ونەر ۋنيۆەرسيتەتىنە بەرىلدى. فەستيۆالدىڭ باس جۇلدەسى 500 000 تەڭگەنى قۇرادى. ەكىنشى كوماندالىق ورىنعا دەنە شىنىقتىرۋ جانە بۇقارالىق سپورت اكادەمياسى, ءۇشىنشى ورىنعا س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى يە بولدى.

ار نوميناسيانىڭ جەڭىمپازدارى اقشالاي سىيلىقتارعا يە بولدى. ءبىرىنشى ورىن ءۇشىن 100 000 تەڭگەدەن, ەكىنشى ورىنعا 70 000 تەڭگەدەن, ءۇشىنشى ورىنعا 50 000 تەڭگەدەن تابىس ەتىلدى.

نوميناسيالار بويىنشا جەڭىمپازدار:
شاحمات: i ورىن &ndash؛ دەنە شىنىقتىرۋ جانە بۇقارالىق سپورت اكادەمياسى, ii ورىن &ndash؛ astana it university, iii ورىن &ndash؛ نازارباەۆ ۋنيۆەرسيتەتى.

ۇلتتىق بي: i ورىن &ndash؛ قازاق ۇلتتىق حورەوگرافيا اكادەمياسى, ii ورىن &ndash؛ esil university, iii ورىن &ndash؛ astana international university.

موبيلوگرافيا: i ورىن &ndash؛ س. سەيفۋللين اتىنداعى قازاق اگروتەحنيكالىق ۋنيۆەرسيتەتى, ii ورىن &ndash؛ قازاق ۇلتتىق ونەر ۋنيۆەرسيتەتى, iii ورىن &ndash؛ قازاق ۇلتتىق حورەوگرافيا اكادەمياسى.

ۇلتتىق اسپاپ (دومبىرا): i ورىن &ndash؛ قازاق ۇلتتىق ونەر ۋنيۆەرسيتەتى, ii ورىن &ndash؛ س. سەيفۋللين اتىنداعى قازاق اگروتەحنيكالىق ۋنيۆەرسيتەتى, iii ورىن &ndash؛ ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى.

ەسترادا: i ورىن &ndash؛ "تۇران-استانا" ۋنيۆەرسيتەتى, ii ورىن &ndash؛ قازاق ۇلتتىق ونەر ۋنيۆەرسيتەتى, iii ورىن &ndash؛ esil university.

تەاتر: i ورىن &ndash؛ قازاق ۇلتتىق ونەر ۋنيۆەرسيتەتى, ii ورىن &ndash؛ ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى, iii ورىن &ndash؛ س. سەيفۋللين اتىنداعى قازاق اگروتەحنيكالىق ۋنيۆەرسيتەتى.

فۋتبول: i ورىن &ndash؛ دەنە شىنىقتىرۋ جانە بۇقارالىق سپورت اكادەمياسى, ii ورىن &ndash؛ نازارباەۆ ۋنيۆەرسيتەتى, iii ورىن &ndash؛ س. سەيفۋللين اتىنداعى قازاق اگروتەحنيكالىق ۋنيۆەرسيتەتى.

ۇستەل تەننيسى: i ورىن &ndash؛ ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى, ii ورىن &ndash؛ دەنە شىنىقتىرۋ جانە بۇقارالىق سپورت اكادەمياسى, iii ورىن &ndash؛ نازارباەۆ ۋنيۆەرسيتەتى.

ۆولەيبول: i ورىن &ndash؛ دەنە شىنىقتىرۋ جانە بۇقارالىق سپورت اكادەمياسى, ii ورىن &ndash؛ نازارباەۆ ۋنيۆەرسيتەتى, iii ورىن &ndash؛ ماقاسۇت نارىكباەۆ ۋنيۆەرسيتەتى.

زاماناۋي بي: i ورىن &ndash؛ ا.ق. قۇسايىنوۆ اتىنداعى ەۋرازيا گۋمانيتارلىق ينستيتۋتى, ii ورىن &ndash؛ قازاق ۇلتتىق ونەر ۋنيۆەرسيتەتى, iii ورىن &ndash؛ astana it university.

فەستيۆالدىڭ سوڭعى ءراسىمى ناعىز شوۋعا ۇلاستى. ءىس-شارادا تانىمال ayree جانە qarakesek ارتىستەرى ونەر كورسەتتى.