• usd 424.85

  • eur 504.21

  • rub 5.84

  • cny 65.86

18 قازان, 10:49:01
الماتى
+10°

فوتو: اقبەرەن ەلگەزەكتىڭ facebook پاراقشاسىنان

شىعىس قازاقستان وبلىسى ءۇرجار اۋدانى جاربۇلاق اۋىلىنداعى ورتا مەكتەپتە بەلگىلى ەتنوگراف, جازۋشى زەينوللا سانىك اتىنداعى ادەبي كابينەت اشىلدى. بۇل تۋرالى اقىن اقبەرەن ەلگەزەك حابارلادى.

زەينوللا سانىك اتىنداعى كابينەتتىڭ اشىلۋى

"زەينوللا سانىك اتىنداعى مادەنيەت قورىنىڭ&rdquo؛ ۇيىمداستىرۋىمەن ءۇرجار اۋدانىنا ساپارلاپ قايتتىق. جاربۇلاق اۋىلىنداعى ورتا مەكتەپتە جازۋشى, ەتنوگراف, تاريحشى زەينوللا سانىك اتىنداعى سىنىپتىڭ اشىلۋىنا قاتىستىق. 3,5 ملن. تەڭگەگە جاساقتالعان ادەبيەت كابينەتى زامان تالاپتارىنا ساي جاساقتالعان ەكەن. سول سىنىپتا ءبىلىم الىپ, ارماندارىن ۇشتايتىن جاسوسپىرىمدەر ءۇشىن قۋاندىق. سونداي مۇمكىندىكتەر جاساعان قانات سانىك اعامىزعا, قانەكەڭنىڭ قاسىندا وسىنداي ۇلكەن شارۋالاردى تىڭعىلىقتى ۇيىمداستىرىپ جۇرگەن اقىن سەرىك قاليەۆ پەن جارقىن سالەنۇلى مىرزالارعا ءدان ريزا بولدىق" دەدى اقىن facebook-تە يگى ىسكە باستاماشىل بولعاندارعا العىسىن جاۋدىرىپ.

زەينوللا سانىك اتىنداعى كابينەتتىڭ اشىلۋى

زەينوللا مۇباراكۇلى سانىك ؛1935 جىلى قىتايدىڭ تارباعاتاي ايماعىندا دۇنيەگە كەلگەن. بەيجىڭ قالاسىنداعى ورتالىق جاستار ينستيتۋتىن ءبىتىرىپ, ەڭبەك جولىن باسپاگەرلىكتەن باستاعان. ۇرىمجىدەگى جاستار باسپاسىندا جاۋاپتى رەداكتور بولىپ قىرىق جىلداي قىزمەت اتقارعان. 1955 جىلدان باستاپ ادەبي زەرتتەۋ جۇمىستارىن جازا باستاعان. سول ۋاقىتتا قىتايدا جۇرگىزىلگەن "مادەني توڭكەرىستىڭ" اۋىر سوققىسىنا ۇشىراپ, "حالىق جاۋى" بولىپ, اۋىر كۇندەردى دە وتكەرگەن.

سوعان قاراماستان, قالامگەردىڭ عىلىمي ەڭبەكتەرىنەن, رومان, پوۆەستەرىنەن قۇرالعان جيىرمادان استام كىتابى جارىق كورگەن. قازاقستاندا "قاراكەرەي قابانباي", "حاس باتىر قابانباي", "تۇعىرىل حان", "دەمەجان باتىر", "حالىق كۇيشىسى قايراقباي", "باسپاي" اتتى كىتاپتارى مەن ەڭبەكتەرى جاريالانعان.

قالامگەر 2013 جىلدىڭ 26 قىركۇيەگىندە ومىردەن وزعان.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر