كۆادروبەرلەر كوبەيدى: بالالار نەگە «حايۋان» بولعىسى كەلەدى؟

الەۋمەتتىك جەلىلەردە سوڭعى ۋاقىتتا بالالاردىڭ يت, مىسىق سەكىلدى ءتورت اياقتاپ جانۋاردىڭ كەيپىندە جۇرگەنىن بايقايمىز. ادامنىڭ ساناسىنا قونبايتىن بۇل ءبىرتۇرلى ءۇردىس باستاپقىدا رەسەيدە باستالعان دەسەدى. ەندى بۇل سوراقى تىرلىك قازاقستانعا دا جەتتى. ياعني, كىشكەنتاي بالالاردان باستاپ ەرەسەكتەرگە دەيىن ءارتۇرلى اڭ-قۇستىڭ وبرازىنا كىرىپ, سولار سەكىلدى ءتورت اياقتاپ ءجۇرىپ, قولمەن ەمەس اۋىزدارىمەن يتاياقتان اس ءىشىپ ءجۇر. ءتىپتى نەمەرەسىنىڭ موينىنا قارعىباۋ كيگىزىپ, كوشەدە سەرۋەندەتىپ جۇرگەن اجەلەر دە جوق ەمەس.

بۇل تۋرالى جۋرناليست تۇرار ساتتارقىزى كۆادروبيكا بويىنشا تەحنيكالاردى ۇيرەتەتىن ۆيدەولاردىڭ تاراپ جاتقانىن ايتىپ, دابىل قاقتى.

• ەكى اياقتى ادامنىڭ ءتورت اياقتى حايۋان بەينەسىنە ەنىپ, ماسكاسىن كيىپ, قۇيرىق جالعاپ, حايۋانشا ءتورت اياقتاپ جۇرەتىن سۋبمادەنيەت ءتۇرى شىقتى. جانە وسىعان بايلانىستى تەحنيكالاردى ۇيرەتەتىن ۆيدەولار دا تاراپ جاتىر.ونى جاساعاندار ءتورت اياقتاپ قالاي سەكىرۋگە بولاتىنىن, بەتپەردەلەردى قالاي جاساۋعا بولاتىنىن ۇيرەتەدى. ادامنان حايۋانعا اينالعىسى كەلەتىندەردىڭ اراسىندا ەرەسەكتەر دە بار دەيدى. ءتىپتى تاشكەنتتە ءبىر بالا يت بولىپ ءجۇرىپ ادامدى قاۋىپ العان كورىنەدى. مۇنداي قاڭسىقتىڭ الدىن الماساق, كۇنى ەرتەڭ ونسىز دا كورىنگەنگە ەلىكتەپ, داعدارىپ تۇرعان قوعامعا, جاستارعا وتە ءقاۋىپتى بولماق, &ndash؛ دەيدى.

اتاۋى جاي سپورت ءتۇرى سەكىلدى كورىنگەنىمەن, جاسوسپىرىمدەردىڭ تىرلىگىنە قاراپ بۇل سۋبمادەنيەتتىڭ جاستاردى قۇردىمعا كەتىرەتىن قۇبىلىس ەكەنىن اڭعارامىز. راسىندا قالاي قابىلداعانىمىز ءجون؟ بۇل تۋرالى پسيحولوگتار نە دەيدى؟

 ؛

كۆادروبيكانىڭ جاسوسپىرىمدەرگە اسەرى

 ؛اتالمىش ترەندكە قاتىستى پسيحولوگ بوتا جالعاسبەكوۆا بۇل ىنجىق بالانىڭ بەتپەردە كيۋ ارقىلى عانا ءوز ويىن جەتكىزە الۋى نەمەسە ديسسوسياسيالىق بۇزىلىستىڭ بەلگىسى بولۋى مۇمكىن دەپ تۇسىندىرەدى.

- بۇل ترەند سۋبمادەنيەت بالانىڭ ءالى تولىق قالىپتاسپاعان پسيxيكاسىنىڭ بۇزىلۋىنا ءارى قوعامنان وقشاۋلانۋىنا سەبەپ بولۋى مۇمكىن. سونىمەن قاتار ءوزىن-وزى تابۋ پروسەسىندەگى كەيبىر جاستارعا بەتپەردە استىندا ءوز پىكىرىن ءبىلدىرۋ, دوستارمەن قارىم-قاتىناس قۇرۋ وڭايىراق. مىسالى, ترەند الەۋمەتتىك جەلىلەردە نەمەسە ويىنداردا وسىنداي ارەكەتتەردى ناسيحاتتايتىن بەينەلەر, ترەندتەر بار. كەيبىر جاستار تانىمال ترەندتەرگە ىلەسۋ نەمەسە پاراقشاسىندا كوپ قارالىم جيناۋ ءۇشىن جانۋار كيىمىن كيەدى. سونداي-اق جانۋار كيىمىنە جاسىرىنۋ &ndash؛ تۇيىق, ىنجىق ادامعا ەركىندىك سىيلايدى, &ndash؛ دەيدى.

 ؛

 ؛بالانى بۇل جاعدايدان قالاي الىپ شىعامىز؟

پسيحولوگ بۇل ماسەلەنى شەشۋ ءۇشىن ءاربىر اتا-انا بالالارىمەن ۇنەمى سىراسىپ, ونىڭ ارالاساتىن ورتاسىنا دا ءمان بەرۋ كەرەكتىگىن ايتادى. "قورقۋ كەرەك پە؟ ناقتى سەبەبىن انىقتاۋ ءۇشىن نەگە جانۋار وبرازىنا قىزىعۋشىلىق تانىتاتىنىن ءتۇسىنۋ كەرەك. بالانى تىڭداپ, سۇراق قويىڭىز. بالالار ءوزىن تىڭداعانىن جانە تۇسىنگەنىن سەزىنسە, اتا-انالارىنا كوبىرەك سەنىم ارتادى. ەگەر ءجاسوسپىرىم ءوزىن شىنىمەن جانۋار دەپ ساناپ, سول سەنىمگە قاتتى بەرىلسە, بۇل شىندىقتان الىستاۋ نەمەسە ديسسوسياسيالىق بۇزىلىستىڭ بەلگىسى بولۋى مۇمكىن. ەگەر ءجاسوسپىرىمنىڭ جانۋارعا ەلىكتەۋى ونىڭ مەكتەپكە بارۋ, قارىم-قاتىناس جاساۋ نەمەسە جاۋاپكەرشىلىكتەرىن ورىنداۋ قابىلەتىنە كەدەرگى كەلتىرسە, بۇل ماماننىڭ ارالاسۋىن قاجەت ەتەدى. الدىن الۋ امالدارى ونلاين قاۋىپسىزدىگىن تەكسەرىڭىز. بالالاردىڭ ينتەرنەتتە نەمەن اينالىسىپ جاتقانىن باقىلاڭىز. شەكتەۋ قويىڭىز. اتا-انا بالالارعا قاۋىپسىزدىك تۋرالى ەسكەرتىپ, قانداي كونتەنتتىڭ پايدالى نەمەسە زياندى ەكەنىن تۇسىندىرگەنى دۇرىس. جاسوسپىرىمدەر كوپ جاعدايدا دوستارىنىڭ مىنەز-قۇلقىن قايتالايدى. سوندىقتان ولاردىڭ ورتاعا ەلىكتەمەۋىن جانە كىممەن ارالاساتىنىن قاداعالاۋ كەرەك. بالانى سپورتقا, ونەرگە, مۋزىكاعا جانە باسقا دا پايدالى حوببيلەرگە قىزىقتىرۋ ارقىلى ولاردى ءپوزيتيۆتى ورتاعا باعىتتاۋعا بولادى", &ndash؛ دەيدى پسيحولوگ بوتا جالعاسبەكوۆا.