قىرعىزستاندا اتا-اناسىن اسىراۋدان جالتارعان بالالار جازاعا تارتىلادى

جوگوركۋ كەنەش دەپۋتاتتارى كەيبىر زاڭنامالىق اكتىلەرگە ءتيىستى تۇزەتۋلەردى ءۇشىنشى وقىلىمدا ماقۇلدادى.

زاڭ جوباسى اتا-انالاردىڭ ءوز بالالارىنا قاتىستى اليمەنتتىك مىندەتتەمەلەردى ورىنداماعانى نەمەسە تولىق ورىنداماعانى, سونداي-اق كامەلەتكە تولعان ەڭبەككە قابىلەتتى بالالاردىڭ ماتەريالدىق كومەككە مۇقتاج قارت اتا-انالارىن اسىراۋدان جالتارعانى ءۇشىن جازانى قاتايتۋ ماقساتىندا ازىرلەنگەن.

تۇزەتۋلەرگە سايكەس, سوت اكتىسى نەمەسە اليمەنت ءوندىرۋ تۋرالى كەلىسىم نەگىزىندە اتا-انالاردى اليمەنتتىك مىندەتتەمەلەردى تولەمەگەنى ءۇشىن 60 ساعاتتان 100 ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە 9 ايعا دەيىن باس بوستاندىعىنان ايىرۋ تۇرىندە جازا تاعايىندالادى.

ماتەريالدىق كومەككە مۇقتاج قارت اتا-انانى اسىراۋ ءۇشىن سوت اكتىسى نەمەسە اليمەنت ءوندىرۋ تۋرالى كەلىسىم نەگىزىندە ەڭبەككە قابىلەتتى كامەلەتكە تولعان بالالارىنا اليمەنت تولەۋدەن جالتارعانى ءۇشىن 500-دەن 1000-گە دەيىنگى ەسەپتىك كورسەتكىش مولشەرىندە ايىپپۇل سالۋعا (50 - 100 مىڭ سوم) نەمەسە 60 ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە 9 ايعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.

بۇل رەتتە, جازا قولدانىلعاننان كەيiن بiر جىل iشiندە قۇقىق بۇزۋشىلىق تۋرالى زاڭناماعا سايكەس جاۋاپقا تارتىلعان اتا-انالاردىڭ اليمەنت بويىنشا مiندەتتەمەلەردi ورىنداماۋى نەمەسە تولىق ورىنداماۋى اليمەنت تولەۋ تۋرالى كەلىسىم نەمەسە سوت اكتىسى نەگىزىندە قايتالاپ جاسالعان ورىنداماۋ نەمەسە تولىق ورىنداماۋ دەپ تانىلادى. تۇلعا اليمەنتتىك مىندەتتەمەلەر بويىنشا بەرەشەگىن تولىق وتەگەن جاعدايدا جاۋاپكەرشىلىكتەن بوساتىلادى.

بۇعان دەيىن حابارلانعانداي, قىرعىزستاندا باق پەن ينتەرنەت سايتتارىندا جانە الەۋمەتتىك جەلىلەردە جالا جابۋ مەن قورلاۋعا جوعارى ايىپپۇل ؛ەنگىزۋ ۇسىنىلدى.