فوتو: اشىق دەرەككوز
الماتىدا ستارتاپتار مەن it ەكوجۇيەسىن دامىتۋ جوباسى اياسىندا بيىل جىلدىڭ باسىنان بەرى 2,5 ملرد تەڭگە ينۆەستيسيا تارتىلىپ, 217 جاڭا جۇمىس ورنى قۇرىلدى. بۇل تۋرالى qamshy.kz اقپارات اگەنتتىگى قالانىڭ سيفرلاندىرۋ باسقارماسىنا سىلتەمە جاساي وتىرىپ حابارلادى.
مەگاپوليستە ورتالىق ازيادا كيبەرسپورت پەن ويىن يندۋسترياسىنىڭ باستى حابىن قۇرۋعا باعىتتالعان almaty cyber games (acg) جوباسى جۇزەگە اسىرىلۋدا. سيفرلاندىرۋ باسقارماسى setanta وتباسى ارنالارىمەن ءبىرقاتار كەلىسىم جاسالىپ, حالىقارالىق دەڭگەيدەگى ءىرى سپورتتىق ءىس-شارالار كورسەتىلەتىن ىنتىماقتاستىق تۋرالى مەموراندۋمعا قول قويىلعانىن مالىمدەدى.
acg ورتالىق ازياداعى تەلەۆيزيا ارقىلى كورسەتىلەتىن العاشقى كوپسالالى كيبەرسپورت وقيعاسى بولدى, ول قازاقستاندا, ورتالىق ازيادا جانە بىرنەشە جاقىن شەتەلدەردە كورسەتىلۋدە.
تەلەۆيدەنيە ارقىلى ىنتىماقتاستىق جوبانىڭ قامتۋ اياسىن 6 ميلليون ادامعا دەيىن كەڭەيتۋگە, جوبانىڭ تانىمالدىلىعىن ارتتىرۋعا, ونىڭ حالىقارالىق ارەناداعى مارتەبەسى مەن بەدەلىن كوتەرۋگە مۇمكىندىك بەردى.
acg جوباسى logitech ءىرى الەمدىك تەحنولوگيالىق كومپانياسىن تارتتى جانە ونى الماتى نارىعىنا بىرىكتىرۋ ءۇشىن tencent games-پەن ىنتىماقتاستىق ورناتتى. قالانىڭ ۋنيۆەرسيتەتتەرىنە ارنالعان ويىن يندۋسترياسى مەن كيبەرسپورت بويىنشا ءبىلىم بەرۋ باعدارلامالارى ازىرلەندى, بۇل باعدارلامالار 70-تەن استام ماماندى دايارلاپ, جۇمىسقا ورنالاستىرۋدى كوزدەيدى.
most بيزنەس-ينكۋباتورىنىڭ باعدارلامالارىنا (ينكۋباسيا, اكسەلەراسيا, ماسشتابتاۋ) 292 ستارتاپ قاتىستى.
جىل باسىنان بەرى ورتالىق ازياداعى ەڭ سۇرانىسقا يە فلاگماندىق باعدارلاما &ndash؛ ira (investment readiness accelerator) باعدارلاماسىنىڭ ءۇش كەزەڭىنىڭ ەكەۋى وتكىزىلدى. بۇل باعدارلاما الماتى مەن ورتالىق ازيانىڭ وزبەكستان, قىرعىزستان, تاجىكستان جانە تۇركىمەنستان ەلدەرىنەن كەلگەن ستارتاپتارعا ارنالعان. باعدارلاماعا وسى ەلدەردەن 42 ستارتاپ قاتىستى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر