فوتو: اشىق دەرەككوز
قازاقستاننىڭ ازاماتتىق اليانسى 1,5 جىلداي اەس سالۋ ماسەلەسى تۋرالى ىزدەنە كەلە ەڭ دامىعان مەملەكەتتەردە اتوم ەنەرگەتيكاسى ەكونوميكاعا جۇمىس ىستەيتىنىنە كوز جەتكىزگەن. بۇل تۋرالى اليانس پرەزيدەنتى بانۋ نۇرعازيەۆا بايانداپ, قازاقستان اەس سالار بولسا ەڭ ءقاۋىپسىزىن تاڭدايتىنىن ايتتى.
"اتوم ەنەرگياسى &ndash؛ بۇگىنگى كەزەڭدە ەڭ تازا قۋات كوزى. بۇل جاسىل ەكونوميكانى دامىتۋعا سەپتىك ەتەدى. اەس ارقىلى اۋاعا زياندى قالدىقتار بولىنبەيدى. تاۋەلسىز ەل بولعانمەن ەنەرگيا جاعىنان تاۋەلدى بولۋىمىز دۇرىس ەمەس. وعان قاجەتتى وتىندى ءوزىمىز شىعارىپ وتىرمىز. شىعىس قازاقستاندا ءۇلبى زاۋىتىندا ۋران تابلەتكالارى قىتايعا, شەتەلدەرگە ساتىلادى. سول مۇمكىندىكتى پايدالانۋىمىز كەرەك", دەيدى بانۋ نۇرعازيەۆا.
سونىمەن قاتار, ول الەمدىك تاجىريبەدەگى 3 ءىرى اەس اپاتى حالىقتىڭ قورقىنىشىن تۋدىرعانىن راستاپ وتىر.
"وزىم باسقاراتىن سالادا, ياعني ۇەۇ-لار تاراپىنان دا سۇراقتار كوپ قويىلدى. الەمدىك تاجىريبەدەگى 3 ءىرى اەس اپاتى ءبىزدىڭ حالقىمىزدىڭ قورقىنىشىن قالىپتاستىرعان. سول قورقىنىشتى سەيىلتۋ ءۇشىن ايتارىم &ndash؛ سەمەيدەگى پوليگون شىن مانىندەگى سىناق الاڭى بولعان. باسقا اپاتتاردىڭ دا قازىرگى ءبىزدىڭ جاعدايعا قاتىسى جوق. بۇگىندە ءبىزدىڭ ايتىپ جۇرگەنىمىز بومبا نەمەسە پوليگون سىناعى ەمەس, بەيبىت اتوم ستانساسى تۋرالى. قازاقستاندا قازىرگى تاڭدا ەلەكتر ەنەرگياسىنىڭ 70 پايىزى كومىرمەن جۇمىس ىستەيتىن جەو-لار وندىرەدى", دەيدى ول. ؛
بانۋ نۇرعازيەۆا الەمدىك تاجىريبەدەگى بىرنەشە مىسالمەن ءبولىستى. ؛
"الەمدىك دەڭگەيدى الساق, اقش اتوم ستانساسى بويىنشا ءبىرىنشى ورىن الادى. الىپ ەلدە 94 اتوم رەاكتورى جۇمىس ىستەپ تۇر. قازاقستان اۋماعىنا بەس فرانسيا سيادى دەپ ماقتانامىز. سول ءبىر فرانسيادا 56 اەس بار. وسى ەلدەردى ۇلگە ەتە وتىرىپ, ۇمىتكەرلەر قاتارىنداعى مەملەكەتتەردىڭ ىشىنەن قازاقستان ەڭ ءقاۋىپسىز اتوم ستانساسىن تاڭدايدى. سەبەبى بىزگە ەكونوميكامىز تۇراقتى دامۋى ءۇشىن ەكولوگيالىق تازا ءارى ءقاۋىپسىز, ۇزدىكسىز كۇشتى قۋاتپەن ەنەرگيا بەرەتىن كوز كەرەك", دەيدى بانۋ نۇرعازيەۆا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر