دۇنيەجۇزىلىك انا سۇتىمەن قورەكتەندىرۋ اپتالىعى وتۋدە

ار جىلدا الەمدە انا ءسۇتىن ەمەتىن سابيلەردىڭ دەنساۋلىعىن نىعايتۋ ماقساتىندا ەمىزۋدى ناسيحاتتاۋعا باعىتتالعان دۇنيەجۇزىلىك بالانى ەمىزۋ اپتالىعى وتكىزىلىپ تۇرادى. بۇل اپتالىق انا مەن بالانى قورعاۋ جونىندەگى مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس, جۇرگىزىلىپ وتىر.

وسىعان وراي, الماتى وبلىسى كوكسۋ اۋدانىنىڭ بالپىق بي كەنتىندەگى ەمحانادا دۇنيەجۇزىلىك انا سۇتىمەن قورەكتەندىرۋ اپتالىعى اياسىندا «؛انا سۇتىمەن قورەكتەندىرۋ &ndash؛ بالالار دەنساۋلىعىنىڭ كىلتى»؛ ۇرانىمەن ۇلتتىق باعدارلاما وتكىزىلدى.

باعدارلامانىڭ بويىنشا وبلىستاعى بولاشاق انالارعا, ەمىزەتىن انالارعا ايەل اعزاسىنىڭ جەكە ەرەكشەلىكتەرىن, بالانىڭ اناتوميالىق-فيزيولوگيالىق دامۋىن, ەكى جاسقا دەيىن انا سۇتىمەن قورەكتەندىرۋدى ساقتاۋ ماقساتىندا ىقتيمال اسقىنۋلار مەن قاۋىپ-قاتەرلەردى ەسكەرە وتىرىپ, جەكە كەڭەس بەرۋ ءۇشىن «؛اشىق ەسىك كۇنى»؛ شاراسىن وتكىزۋ, وتباسىن جوسپارلاۋ كابينەتىندە انا سۇتىمەن قورەكتەندىرۋ بويىنشا ساباقتار وتكىزۋ, ساباقتاردا انا سۇتىمەن قورەكتەندىرۋ بويىنشا شەبەر-كلاسس وتكىزۋ جۇىستارى, اۋماقتىق ۋچاسكەلەردە انا سۇتىمەن قورەكتەندىرۋ, 6 ايدان باستاپ قوسىمشا تاعامداردى دۇرىس ەنگىزۋ, سونداي-اق 2 جاستان باستاپ انا سۇتىمەن قورەكتەندىرۋدى اياقتاۋ ماسەلەلەرى بويىنشا سۇحباتتار وتكىزۋ سەكىلدى جۇمىستار جۇرگىزىلدى.

انا مەن بالانى قورعاۋ باعدارلاماسىنا سايكەس, بالپىق بي كەنتىندەگى ەمحانادا ۇيگە بارىپ قاراۋ ارقىلى پاتروناجداۋ ءادىسىنىڭ امبەباپ-پروگرەسسيۆتى جۇيەسى نەگىزىندە پاتروناج مەيىربيكەلەرى جۇمىس جاسايدى.
سونداي-اق پاتروناج مەيىربيكەلەرى جاڭادان بوسانعان انالارعا انا ءسۇتىنىڭ ماڭىزى تۋرالى ءتۇسىندىرىپ, نارەستەنىڭ ومىراۋعا دۇرىس سالىنۋىن ۇيرەتەدى.
ال ەمحانانىڭ بالانى دامىتۋ كابينەتىنىڭ مەيىربيكەسى قابىلداۋعا كەلگەن انالار مەن مەديسينا قىزمەتكەرلەرىنە سەمينار ساباقتار جۇرگىزىپ تۇرادى.

ياعني, ومىراۋ ءسۇتى - نارەستەلەر ءۇشىن اسا پايدالى تاعام.
نارەستەلەر ءومىرىنىڭ العاشقى التى ايىندا جانە ودان كەيىنگى ەكى جاسقا دەيىن ومىراۋمەن ەمىزۋدىڭ ماڭىزى زور ەكەنىن انالارعا ءتۇسىندىرۋ ارقىلى بالالاردىڭ قۇقىعىن قورعاي الادى. سونىمەن بىرگە,
انا سۇتىمەن ەمىزۋ سابيلەر ميىنىڭ دۇرىس جۇمىس جاساۋىن, ينفەكسيالاردان قورعاۋدان, سەمىزدىك ءقاۋپى مەن بالالار اۋرۋلارىن تومەندەتۋدەن باستاپ, دەنساۋلىققا جۇمسالاتىن شىعىندارعا, ەمىزەتىن انالاردى انابەز ىسىگى مەن ءسۇت بەزدەرى ىسىگىنەن قورعاۋعا دەيىن وتە ماڭىزدى.
ومىراۋمەن ەمىزبەۋ رەسپيراتورلىق اۋرۋلاردىڭ, گيپوتەرميانىڭ جانە ديارەيانىڭ,  ؛ينفەكسيالىق اۋرۋلاردىڭ پايدا بولۋ سەبەبى ەكەنىن الماتى وبلىسىنداعى كوكسۋ اۋدانىنىڭ بالپىق بي كەنتىندەگى ەمحانا قىزمەتكەرلەرى ءاردايىم ءتۇسىندىرىپ, انا مەن بالانىڭ دەنساۋلىعى ءۇشىن ناتيجەلى جۇمىستار اتقارىپ كەلەدى.