الماتى مەن شىعىس قازاقستان وبلىسى ىنتىماقتاستىقتى كەڭەيتۋدە

شىعىس قازاقستان وبلىسىنا جۇمىس ساپارى بارىسىندا الماتى اكىمى ەربولات دوساەۆ پەن ءوڭىر باسشىسى ەرمەك كوشەرباەۆ بىرنەشە باعىت بويىنشا ءوڭىرارالىق كووپەراسيانى كۇشەيتۋگە كەلىستى.

كەڭەستە الماتى مەن شىعىس قازاقستان وبلىسىنىڭ ەكىجاقتى ەكونوميكالىق بايلانىستارى مىقتى ەكەندىگى اتاپ ءوتىلدى. ماسەلەن, 2023 جىلى ءوزارا ساۋدا كولەمى 30 ملرد تەڭگەدەن استى. الايدا تاراپتار وڭىرلەر اراسىنداعى ءوزارا ءتيىمدى ىنتىماقتاستىقتىڭ الەۋەتى ايتارلىقتاي كەڭەيتىلۋى مۇمكىن ەكەنىن اتاپ ءوتتى.

تاراپتار شقو اۋىل شارۋاشىلىعى تاۋار وندىرۋشىلەرىمەن جوبالاردى ىسكە اسىرۋ مۇمكىندىكتەرىن تالقىلادى. الماتى جىلىنا 4,2 ملرد دوللارعا 1,8 ملن توننا ءونىم تۇتىنادى, ونىڭ شامامەن 45% - ى يمپورتتالادى.

شقو-دا وندىرىلگەن اۋىل شارۋاشىلىعى ونىمدەرىن الماتى تۇتىنۋشىلارىنا جەتكىزۋدى قامتاماسىز ەتۋ ماقساتىندا دەلدالدارسىز, مەگاپوليس تۇرعىندارىنا ءوز ونىمدەرىن ۇسىنۋدى جانە وزدەرىنىڭ جەلىلىك ساۋدا نۇكتەلەرىن قۇرۋدى جوسپارلاپ وتىرعان كومپانيالاردىڭ شورت-پاراعى جاسالادى.

مەگاپوليس بازارلارىندا شىعىس قازاقستاندىق ازىق- تۇلىك تاۋارلارىنىڭ وكىلدىگىن كەڭەيتۋ ءۇشىن الماتىداعى قولداۋ قۇرالدارىن پايدالانۋعا بولادى. مىسالى, «؛فورۆاردتىق ساتىپ الۋ»؛ جانە «؛اينالىم زاەمدارى»؛ بويىنشا قارجىلاندىرۋ ارقىلى.

قادامدىق ىسكە اسىرۋ جوسپارى 2024-2025 جىلدارعا ارنالعان ىنتىماقتاستىقتىڭ جول كارتاسىنا ەنگىزىلەدى.

بۇدان باسقا, الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تەجەۋ ءۇشىن «؛الماتى»؛ اكك جانە «؛ەرتىس»؛ اكك بىر-بىرىنە ساۋدا جەلىلەرىنە جانە الماتىنىڭ ازىق-تۇلىك نارىقتارىنا ءونىم جەتكىزۋگە كەلىسىمشارتتار جاساسۋ بويىنشا جاردەم كورسەتەدى.

سونداي-اق تۋريستىك كلاستەر اياسىنداعى ءوزارا ءىس-قيمىل ماسەلەلەرى قارالدى. شقو مەن الماتى تۋريستىك كورىكتى جەرلەرىمەن تانىمال, ولارعا شەتەلدىك قوناقتار ءۇشىن ءبىرىڭعاي تۋريستىك پاكەتتەر تۇرىندە بارۋ جوسپارلانۋدا.

كەزدەسۋ بارىسىندا الماتى دەلەگاسياسى سيفرلىق شەشىمدەردى قولدانۋعا, ۇلكەن دەرەكتەردى تالداۋعا جانە پايدالانۋعا نەگىزدەلگەن قالالىق جوبالاردى ىسكە اسىرۋ تاجىريبەسىمەن ءبولىستى.

سونداي-اق, يندۋستريالدى ايماق پەن شاعىن ونەركاسىپ پاركتەرىن دامىتۋ تاجىريبەسى ۇسىنىلدى. وسى جىلدىڭ ii توقسانىنداعى جاعداي بويىنشا يندۋستريالدى ايماقتىڭ رەزيدەنتتەرى 2 ترلن تەڭگەگە جۋىق ءونىم ءوندىرىپ, 54 ملرد تەڭگەگە جۋىق سوماعا سالىق تولەدى. سونىمەن قاتار, قالادا 4,4 مىڭنان استام جۇمىس ورنىن قۇرۋمەن شاعىن ونەركاسىپ پاركتەرىنىڭ 37 جوباسى ىسكە اسىرىلۋدا.

كەزدەسۋ قورىتىندىسى بويىنشا تاراپتار شقو-دا اۋىل شارۋاشىلىعى ءونىمىن ءوندىرۋدى ىنتالاندىرۋعا, ونەركاسىپتىك كاسىپورىنداردىڭ كووپەراسياسىنا جانە ەكى ءوڭىردىڭ تۋريستىك وپەراتورلارى اراسىنداعى ىنتىماقتاستىقتى دامىتۋ جونىندەگى شارالارعا باعىتتالعان ءوزارا ىنتىماقتاستىق تۋرالى مەموراندۋمعا قول قويدى. الماتى جانە شقو اكىمدەرى بۇل كەلىسىم ەكىجاقتى ىنتىماقتاستىقتىڭ ساپالى جاڭا دەڭگەيگە شىعۋىنا ىقپال ەتەتىنىنە سەنىم ءبىلدىردى.