وليمپيادا چەمپيونى ەلدوس سمەتوۆ پەن جەكە باپكەرىنە پاتەر جانە اۆتوكولىك كىلتتەرى تابىستالدى

حححlll جازعى وليمپيادا ويىندارىنىڭ چەمپيونى ەلدوس سمەتوۆكە قۇرمەت كورسەتىلىپ, جامبىل وبلىسى اكىمدىگىنىڭ قولداۋىمەن «؛تاراز»؛ ورتالىق ستاديونىندا گالا-كونسەرت ۇيىمداستىرىلدى.

سپورت شەبەرىنە قۇرمەت كورسەتۋ ءۇشىن 15 مىڭعا جۋىق جامبىلدىق جينالدى.

الدىمەن ەلدوس سمەتوۆ سپورتتاعى جولى تۋرالى بەينەروليك كوپشىلىك نازارىنا ۇسىنىلدى.

سالتاناتتى شارادا جامبىل وبلىسىنىڭ اكىمى ەربول قاراشوكەەۆ قۇتتىقتاۋ ءسوز سويلەپ, فرانسيا تورىندە وليمپ شىڭىن باعىندىرعان ەلدوس سمەتوۆ پەن ونىڭ جەكە جاتتىقتىرۋشىسىنا قۇرمەت كورسەتتى.

&ndash؛ ەل بالاسى &ndash؛ ەلدوس سمەتوۆ تاۋەلسىز قازاقستاننىڭ تاريحىندا دزيۋدودان تۇڭعىش وليمپيادا چەمپيونى اتانىپ وتىر. دانقتى سپورتشى جاقسىلىق ۇشكەمپىروۆ اعامىزدان كەيىن بىردە-بىر قازاق بالاسى بۇل بيىكتى باعىندىرعان ەمەس. اراعا 44 جىل سالىپ ەلدوس سمەتوۆ قازاقتىڭ كوپتەن كۇتكەن ارمان-ماقساتىنا قول جەتكىزدى.
قازاق ەلىن الەم الدىندا پاش ەتكەن نەبىر سايىپقىراندار, ساڭلاق سپورتشىلاردىڭ دەنى &ndash؛ اۋليەاتا توپىراعىنان تۇلەپ ۇشقان. وليمپيادا چەمپيوندارى &ndash؛ جاقسىلىق ۇشكەمپىروۆ, ەرماحان يبرايموۆ, باحتيار ارتاەۆ, وليمپيادا ويىندارىنىڭ جۇلدەگەرلەرى سەرىك قوناقباەۆ, يسلام بايرامۋكوۆ, بولات ءجۇمادىلوۆ, بولات نيازىمبەتوۆ, اقجۇرەك تاڭاتاروۆتار التى الاشتىڭ ابىرويىن اسپانداتقان ەل ماقتانىشتارى! اۋليەاتا ءوڭىرى &ndash؛ چەمپيوندار ولكەسى, مىقتىباپكەرلەر ورداسى.
قاسيەتتى جامبىل جەرى &ndash؛ ەر ەلدوستىڭ جەڭىسىنەن كەيىن جاۋىرىنى جەر يىسكەمەگەن پالۋانداردىڭ باستى ورداسى دەسەك قاتەلەسپەيمىز. ەلدوستىڭ ەرلىگى مەن جەڭىسى بارشا قازاقستاندىققا ورتاق قۋانىش. قازاقسپورتىنىڭ داڭقى ارتا بەرسىن! &ndash؛ دەدى وبلىس اكىمى.

ەربول قاراشوكەەۆ تورتكۇل دۇنيە كوز تىككەن ءتورتجىلدىقتىڭ باستى دوداسىندا توپ جارعان ەلدوس سمەتوۆكە وبلىس اكىمدىگىنىڭ ۇيىمداستىرۋىمەن دەمەۋشىلەردىڭ تاراپىنان تاراز قالاسىنان 5 بولمەلى پاتەر (پەنتحاۋس) جانە سوڭعى ۇلگىدەگى (lexus 600) اۆتوكولىكتىڭ كىلتىن تابىستادى. سپورت ساڭلاعىنىڭ جەكە باپكەرى عالىمجان جىلگەلديەۆكە 2 بولمەلى پاتەر مەن اۆتوكولىكتىڭ (hyundai santa fe) كىلتى بەرىلدى.

&ndash؛ وليمپيادا ويىندارىندا ەلىمنىڭ كوك بايراعىن كوككە كوتەرىپ, ءانۇرانىمىزدى شىرقاتۋ مەنىڭ بالا كەزدەن بەرگى ارمانىم بولاتىن. سول ماقساتقا جەتۋ جولىندا ايانباي تەر توكتىم. جاقسىلىق ۇشكەمپىروۆ اتامىزدىڭ تىلەگىن ورىنداعانىما وتە قۋانىشتىمىن. بارشا جانكۇيەرلەرىمە ەرەكشە العىس ايتقىم كەلەدى. قولداۋلارىڭىزدى سەزىندىم. جەرلەستەرىمە كوپ راقمەت! &ndash؛ دەدى قر ەڭبەك سىڭىرگەن سپورت شەبەرى ەلدوس سمەتوۆ.

سالتاناتتى شارادا وليمپيادا چەمپيونىنىڭ جەكە جاتتىقتىرۋشىسى عالىمجان جىلگەلديەۆ تە ءسوز الىپ, ورتاق ماقسات پەن توككەن تەردىڭ اقتالعانىن اتاپ ءوتتى.

ەسكە سالا كەتەيىك, ەلدوس سمەتوۆ پاريجدە وتكەن ءحححىىى جازعى وليمپيادا ويىندارىندا جەڭىس تۇعىرىنان كورىنىپ, ەل قورجىنىنا العاشقى التىندى سالدى. تاتامي شەبەرى 2016 جىلى ريو وليمپياداسىندا كۇمىس, 2020 جىلى توكيودا وتكەن ءتورتجىلدىقتىڭ باستى دوداسىندا قولا مەدالدى ەنشىلەدى.

گالا-كونسەرت سوڭى ەلىمىزگە تانىمال ەسترادا جۇلدىزدارىنىڭ كونسەرتتىك باعدارلاماسى مەن وتشاشۋعا ۇلاستى.

جامبىل وبلىسى اكىمىنىڭ ءباسپاسوز قىزمەتى