25 شىلدە, 2024 news
تۇرىك كومپانياسى قازاقستاندا 5000 توننا كوكونىس ساقتايتىن قويما سالماق
اۋىل شارۋاشىلىعى ءمينيسترى ورىنباسارى ەرمەك كەنجەحانۇلى «saraylım tarım» كومپانياسىنىڭ باسقارما ءتوراعاسى ىلىدجا مۋستافامەن كەزدەستى. كەزدەسۋ بارىسىندا ەكى تاراپ ينۆەستيسيالىق جوبالاردى ىسكە اسىرۋداعى ىنتىماقتاستىق مۇمكىندىكتەرىن تالقىلادى, دەپ حابارلايدى ۆەدومستۆونىڭ ءباسپاسوز قىزمەتى.
كورنەكى سۋرەت
«؛saraylım tarım»؛ &ndash؛ تۇركيا رەسپۋبليكاسىندا جەمىستەر مەن كوكونىستەردى ساقتاۋ سالاسىندا جەتەكشى كومپانيا بولىپ سانالادى. كاسىپورىن قويمالارىنىڭ سىيىمدىلىعى جىلىنا 14 مىڭ توننا جەمىس-جيدەك, ال, وڭدەۋ قۋاتتىلىعى جىلىنا 35 مىڭ توننا. ونىڭ ونىمدەرى الەمنىڭ 18 ەلىنە ەكسپورتتالادى. كومپانيا قۋاتتىلىعى 5 مىڭ توننا كوكونىس قويماسىن سالۋعا مۇددەلى. جوبانىڭ قۇنى شامامەن 15 ملن اقش دوللارىن قۇرايدى.
سونداي-اق سىركە سۋى مەن كوكونىس كونسەرۆىلەرىن ءوندىرۋدى جولعا قويۋ نيەتى بار. جوباعا سالىنعان ينۆەستيسيا سوماسى 15 ملن اقش دوللارىن قۇراماق.
ىلىدجا مۋستافا جوبا الماتى وبلىسىندا ىسكە اسىرىلاتىنىن, وعان قازاقستاندىق سەرىكتەس انىقتالعانىن حابارلادى.
وز كەزەگىندە ۆيسە-مينيستر ينۆەستورلارعا كورسەتىلەتىن مەملەكەتتىك قولداۋ, كوزدەلگەن سۋبسيديالار, جەڭىلدىكتەر مەن پرەفەرەنسيالار تۋرالى ايتىپ بەردى.
«؛اۋىل شارۋاشىلىعى مينيسترلىگى جوبانى ىسكە اسىرۋعا بارىنشا جاردەم كورسەتۋگە دايىن»؛, - دەپ اتاپ ءوتتى ەرمەك كەنجەحانۇلى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر